Sport

Mourinho zgjedh ekipin që do të drejtojë, zyrtarizimi çështje orësh

Autori: Gazeta inFokus 10:59 | 31 May 2024

Ish-trajneri i Romës, Jose Mourinho, është gati të nisë një aventurë të re trajneri, këtë herë ligën kryesore të Turqisë. Pasi u shkarkua nga Roma në janar, “Special One” priti që të vinte projekti i duhur.

Sipas Gianluca Di Marzio të Sky Sport, disa oferta nga Turqia mbërritën në prag të verës për Mourinhon. Tekniku portugez më në fund ka vendosur të përqafojë projektin e Fenerbahçes.

Negociatat u zhvilluan mes menaxherit të Mourinhos dhe drejtorit sportiv të Fenerbahçes, Mario Branco, i cili, ashtu si Mourinho, është portugez.

-Advertisement-

Di Marzio raporton se Mourinho pritet të nënshkruajë një kontratë 2-vjeçare me Fenerbahcen, pra deri në vitin 2026.

José Mourinho është shndërruar indirekt një nga protagonistët e mëdhenj të zgjedhjeve presidenciale te Fenerbahce, që do të mbaheshin në qershor.

I pari që e shfrytëzoi emrin e tij si një burim të vërtetë elektoral ishte Aziz Yildirim, ish-president i Fenerbahçes për dhjetë vjet deri në vitin 2018, i cili javët e fundit ka dashur t’ia besojë stolin portugezit.

Sipas asaj që raportohet në “Abola”, Ali Koç, president aktual i klubit, i cili po rikandidon për një mandat të ri trevjeçar, jo vetëm që ëndërron për Mourinhon, por tashmë ka shkuar shumë më tej, aq sa ka arritur një marrëveshje me të.

Subscribe në YouTube: GAZETA INFOKUSI