Lajme

Raporti i Borrellit pritet të përfundoj këtë javë, a do të rekomandohet heqja e masave ndaj Kosovës?

Autori: Gazeta inFokus 11:04 | 29 May 2024

Përfaqësuesi i Lartë i Bashkimit Evropian për politikë të jashtme dhe siguri, Josep Borrell, ende nuk e ka finalizuar raportit lidhur me mundësinë e heqjes së masave ndaj Kosovës.

Raporti i Borrell duhet të përfundojë më së voni deri në fund të majit, por ende nuk dihet se a do të rekomandohet heqja e masave ndaj Kosovës.

Ndryshe, zëdhënësi i BE-së, Peter Stano, tha se raporti Borrell, që po hartohet rreth asaj nëse Kosova ka ndërmarrë hapat e nevojshëm për heqjen e masave ndëshkuese ndaj saj e që më pas do t’iu prezantohet shteteve anëtare, është ende duke u finalizuar.

-Advertisement-

Sipas Stanos, raporti ende nuk ka përfunduar dhe rrjedhimisht nuk është u dërguar as shteteve anëtare.

Gjithashtu, Stano ka theksuar se në të do të përfshihen edhe zhvillimet e fundit, përfshirë këtu mbylljen e pikave ilegale të bankave serbe në vend dhe aksionin e Policisë së Kosovës për konfiskimin e dinarëve.

“Masat janë vendosur si përgjigje e hapave të pakoordinuar e të njëanshëm që dërgojnë drejtë eskalimit të mëtejmë, dhe nuk ndihmojnë në deeskalim. Ato ishin vendosur me qëllimin që të motivojnë autoritetet kosovare që të punojnë drejt deeskalimit, kështu që sigurisht gjithçka që po ndodh në terren dhe ka ndikim negativ në përpjekjet për deeskalim, po merret parasysh dhe përfshihet në raport”, ka thënë Stano.

Tri javë më parë, Stano kishte deklaruar se raporti i përfaqësuesit të lartë të BE-së për Politikë të Jashtme, Josep Borrell, në lidhje me zbatimin e kërkesave të BE-së para heqjes së masave, ishte në përfundim e sipër dhe pritej që shumë shpejt t’u dorëzohej vendeve anëtare para se eventualisht të merrej një vendim.

Subscribe në YouTube: GAZETA INFOKUSI
Etiketa:
UNI – Universum International College sërish pjesë e Panairit të Edukimit, vazhdon të ofroj studime me standarde amerikane
-Advertisement-

Të tjera

Fokusi

lajme