Lifestyle

Dhoma më e shtrenjtë e hotelit nënujor në botë, një natë kushton 19 mijë euro!

Autori: Gazeta inFokus 13:18 | 14 May 2024

Dhoma më e shtrenjtë e hotelit nënujor në botë u ofron mysafirëve një pamje mahnitëse që nuk mund të shihet askund në planetin tonë. Dhoma Muraka është një përvojë me pesë yje që zgjat gjithë jetën. Peshqit rrethojnë dhomën tuaj, oqeani lëkundet nga dritarja dhe ju mund të shijoni një pushim me një çmim prej 19 mijë eurosh për natë.

Një pamje e pabesueshme e Oqeanit Indian mund të shihet nga kudo në dhomë, duke përfshirë edhe tuletin. E vendosur nën ishullin Rangali në Oqeanin Indian, dhoma e hotelit ofron një pamje të pabesueshme pesë metra nën sipërfaqen e Maldiveve, në një tokë ëndrrash për adhuruesit e oqeanit.

Për të arritur aty thellë nën ujë, duhet të hyni në një ashensor privat ose të zbrisni një shkallë spirale prej druri. Mijëra peshq ju mirëpresin atje, ndërsa ju shikojnë përmes mureve krejtësisht transparente. Kjo suitë nënujore është e ndërtuar direkt në shtratin e detit dhe është e mbushur me komoditetet e zakonshme luksoze, duke përfshirë mobilet masive, një minibar të pajisur shtrenjtë, një krevat dopio të rehatshëm dhe një divan.

-Advertisement-

Detaji më i mrekullueshëm i dhomës qëndron brenda mureve. Të koordinuar me një tavan transparent dhe mure transparente, nga të gjitha anët, të ftuarit mund të kënaqen me një pamje të pabesueshme. Shikoni videon për më shumë: