Sport

Disfata e 14-të sezonale, United rikthehet 45-vite pas!

Autori: Gazeta inFokus 10:27 | 14 May 2024

Ndërsa Manchester United kërkoi golin e barazimit ndaj Arsenalit të dielën, stuhitë dhe shiu i dendur mbi Old Trafford i zunë vendin qiellit të pastër blu.

Këo kushte mund të përdoren lehtësisht si një metaforë për sezonin e “Djajve të Kuq”, ku zhgënjimi dhe frustrimi kanë dominuar mbi pritshmëritë që “Djajtë e Kuq” kishin për të arritur suksese dhe objektiva të rëndësishëm.

Një humbje ndaj Arsenalit që po garon për titullin kampion nuk mund të konsiderohet shumë dramatike, por për United ishte humbja e 14-të sezonale në Premier League, më shumë se çdo skuadër tjetër angleze në pjesën e parë të tabelës.

-Advertisement-

Vendi i 8-të dhe me 54 pikë e lë Manchester United në një pozitë të rrezikuar, pasi jo vetëm që mund ta mbyllin sezonin pa Europë, por edhe të regjistrojnë kuotën më të ulët të pikëve në histori në Premier League.

Ishte gjithashtu humbja e 19-të në të gjitha kompeticionet, numri më i lartë i humbjeve që kanë pësuar që prej sezonit 1978-79. E ardhmja e trajnerit Erik ten Hag mbetet e paqartë. Holandezi ka dhe një vit të metur në kontratë.

Por, spekulimet kanë ardhur në rritje nga pronari i ri, Sir Jim Ratcliffe, që i pranishëm në stadium të dielën mund të detyrohet të bëjë një ndryshim. Ish-trajner i Ajax ka vuajtur 60 dëmtime këtë sezon, teksa në këtë shifër janë akumuluar edhe lojtarët që janë dëmtuar më shumë se një herë.

Pavarësisht problemeve, Manchester United pret edhe finalen e FA Cup më 25 maj, që mund t’i shërbejë trajnerit Erik ten Hag për të shpëtuar pozicionin e tij.

Por, kundërshtari i tyre është Manchester City dhe Ten Hag është mjaft i vetëdijshëm që skuadra e tij duhet të bëjë një mrekulli për të fituar trofeun më të vjetër në histori, sic është FA Cup.