Vitia: Pas gjysmës së dytë të këtij viti fillon implementimi i Ligjit për çmimin e produkteve medicinale
Autori: Gazeta inFokus 09:01 | 05 May 2024
Ligji për çmimin e produkteve medicinale nuk ka filluar së zbatuari ende në Kosovë. Ai ka hyrë në fuqi në mars të vitit 2023 ndërsa ministri i Shëndetësisë, Arben Vitia ka thënë për Ekonomia Online se ky Ligj është në fazën e implementimit.
Vitia ka theksuar se deri më 16 maj do të bëhen paraqitjet e të gjitha çmimeve ashtu siç e parasheh Ligji dhe se janë formuar dy mekanizma të filtrit që mos të abuzohet me çmimin.
“Vitin e kaluar në parlamentin e Republikës së Kosovës ka kaluar Ligji për nivelizimin e çmimit të barnave. Ky Ligj është në fazën e implementimit. Deri më datën 16 maj do të bëhen paraqitjet e të gjitha çmimeve ashtu siç e parasheh ligji por në këtë drejtim, kemi formuar dy mekanizma të filtrit që mos të abuzohet me çmimin. Përveç çmimeve që vijnë nga prodhuesi i kemi edhe çmimet referente nga rajoni dhe me implementimin e këtij ligji që do të ndodh gjatë këtij viti jo vetëm farmacistët që do të jenë të lumtur në këtë drejtim por të gjithë qytetarët e Republikës do të jenë zakonisht të lumtur sepse do ti themi njëherë e mirë stop por në mënyrë ligjore abuzimeve që kanë ndodhur me çmimet e barnave”, ka thënë ministri Vitia për Ekonomia Online.
Ministri Vitia ka thënë se ka pasur raste kur një medikament në vendet tjera ka pasur një shumë të caktuar e te ne është shitur me dyfishin ose trefishin e çmimit e ku shpesh herë, sipas tij, pa të drejtë janë akuzuar farmacistët.
“Ka ndodh një bari që ka kushtuar në vendet e tjera me një shumë të caktuar të ne është shitur me dyfishin ose trefishin ku shpesh herë pa të drejtë janë akuzuar farmacistët për këtë fenomen dhe prandaj në koordinim edhe me ta, në koordinim me gjithë faktorët tjerë është ka bëhet dhe është në fazat finale paraqitja e këtyre çmimeve për tu implementuar. Ky Ligj është jashtëzakonisht i rëndësishëm”, ka thënë Vitia.
Ministri i Shëndetësisë ka thënë se grupet punuese janë duke punuar me intensitet të plotë në këtë drejtim dhe se presin që diku pas gjysmës së dytë të këtij viti të fillojë edhe me implementimi.
“Kemi pasur disa vonesa sa i përket komisionit dhe disa procedurave administrative që kanë zgjatur pak muaj dhe tani me intensitet të plotë grupet punuese janë duke punuar në këtë drejtim. Atë që e thash me datën 16 maj pritet që të publikohen të dorëzohen të gjitha çmimet dhe pastaj do të fillojë në bazë të Ligjit me afate kohore që i ka Ligji afatet e ankesave dhe afatet tjera të cilat presim që diku pas gjysmës së dytë të këtij viti të fillojë edhe me implementimin. Kurse sa i përket qytetarëve janë me qindra mijëra euro që qytetarët e Republikës së Kosovës do t’ i kursejnë për shkak se do të jetë tavani i këtyre çmimeve dhe më nuk mund të luhet më me çmime siç është bërë më herët”, ka thënë Vitia. /EO
Të tjera
-
Zhduket e mitura në Suharekë
Të hënën në Suharekë një nënë ka raportuar se vajza e saj nuk është kthyer në...
-
Zelensky: Lufta me Rusinë është më afër përfundimit se sa shumë besojnë
Presidenti ukrainas Volodymyr Zelensky beson se lufta me Rusinë është “më afë...
-
Ambasada gjermane: Radoiçiqi i lirë në Serbi, ndonëse qëndron prapa krimit
Ambasada e Gjermanisë në Kosovë ka theksuar se nuk do të harrohet sakrifica e...
-
Kurti viziton sot familjen e Heroit Afrim Bunjaku
Nën patronatin e kryeministrit të Kosovës, Albin Kurti sot organizohen aktivi...
-
Kurti: Kurrë nuk do ta harrojmë heroin Afrim Bunajku, humbi jetën duke mbrojtur sovranitetin dhe integritetin e shtetit
Kryeministri i vendit, Albin Kurti sot në njëvjetorin e sulmit terrorist në B...
-
Panik dhe kaos, civilët nxitojnë të ikin nga rajonet kufitare të Libanit
Libani ka kaluar një ditë të tmerrshme me 80,000 njerëz që kanë marrë mesazhe...
-
Mblidhen sot shtatë komisione parlamentare
Në Kuvendin e Kosovës sot do të mblidhen shtatë komisione parlamentare. Ng...
-
Konakoviq para Asamblesë së Përgjithshme të OKB-së: Serbia ofron strehim për kriminelët e dënuar të luftës që u larguan nga Bosnja
Ministri i Punëve të Jashtme të BeH-së, Elmedin Konakoviq, ka folur në takimi...
-
Zbulimi amerikan: Rusia e para në përdorimin e inteligjencës artificiale për të ndikuar zgjedhjet në SHBA
Rusia ka krijuar më shumë përmbajtje me ndihmën e inteligjencës artificiale p...
-
Musliu: Aleksandar Vuçiq, mjeshtër i lojës në dy karrige mes Perëndimit dhe Rusisë
Eksperti i sigurisë, Agim Musliu, në një intervistë për emisionin “Përballje”...
-
Nga viti i ardhshëm shtrenjtohen biletat për udhëtime në Gjermani
Nga viti i ardhshëm pritet që të shtrejtohen biletat e trafikut publik në Gje...
-
Diamantët misteriozë të shekullit të 18-të dalin në ankand në Londër
Një varëse qafe e shekullit të 18-të me rreth 500 diamantë, disa prej të cilë...