Lajme

Euractiv shkruan për kërkesat e QUINT-it karshi Kosovës para anëtarësimit në KiE

Autori: Gazeta inFokus 07:06 | 18 April 2024

Asambleja Parlamentare e Këshillit të Evropës gjatë ditës së martë ka rekomanduar që Kosova të bëhet anëtare e kësaj organizate. Në një artikull pas këtij zhvillimi, mediumi “EuroActiv” shkruan në lidhje me përkushtimin e Kosovës që ta formojë Asociacionin e Komunave me Shumicë serbe.

Aty përmendet që para seancës së Asamblesë, u dorëzuan disa amandamente, shumica nga Serbia, megjithatë, shkruhet edhe për “surprizën” nga Italia.

Sipas amandamentit të Italisë, aplikimi i Kosovës duhej shtyrë deri në implementimin e të gjitha pikave nga Marrëveshja e Brukselit dhe asaj të Ohrit, duke përfshirë këtu edhe formimin e Asociacionit të komunave me shumicë serbe.

-Advertisement-

Sidoqoftë, opinion i miratuar potencon se Asociacioni duhet të jetë një “përkushtim pas anëtarësimit” dhe se raportuesja Dora Bakojanis potencoi në fjalimin e saj hapës që Asociacioni “është i paarritshëm për momentin”.

Sipas mediumit, një burim me dijeni nga diskutimet pas dyerve të mbyllura, ka thënë që ministrat mund të insistojnë që kryeministri i Kosovës, Albin Kurti të rreshtohet me shtetet e QUINT-it dhe BE-në për normalizimin e marrëdhënieve me Serbinsë, por se “Kurti është shumë krenar pajtuar”.

Megjithatë, ky burim ka shtuar se vetëm bisedimet për anëtarësim në KiE gjatë kësaj jave, janë një “fitore simbolike dhe shuplakë në fytyrë për Vuçiqin e Putinin”.

Me 131 vota pro, 29 kundër dhe 11 mbetën abstenime, Asambleja Parlamentare e Këshillit të Evropës votoi raportin e Dora Bakoyanis që fton KiE-në të pranojë Kosovën si anëtare të saj, duke shënuar një hap tejet të rëndësishëm drejt anëtarësimit të Kosovës në këtë organizatë.

Pas kalimit në Asamble, Kosova tani pret rezultatin e votimit në Këshillin e Ministrave të Jashtëm për t’u bërë anëtare e plotë në KiE.

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy