Lajme

Gjendja shëndetësore e vajzës nga Kosova që u plagos në Finlandë raportohet jo e mirë

Autori: Gazeta inFokus 13:06 | 03 April 2024

Një vajzë 12-vjeçare nga Kosova mbeti e plagosur në sulmin që ndodhi në shkollën “Viertola” në Finlandë.

Sipas një njoftimi nga një shqiptar që jeton atje, e që ka komunikuar me babain e vajzës, gjendja e saj shëndetësore nuk është e mirë.

“Sot në mëngjes u takova me prindin e vajzës e cila u plagos nga i riu 12 vjeçar në shkollën “Viertolan”. Gjendja e vajzës është nën kujdesin e mjekëve dhe po bëhet gjithçka që ajo të mbijetojë, por gjendja nuk është e mirë”, shkroi Mentor Dreshaj, anëtar i grupit “Shqiptarët në Finlandë”.

-Advertisement-

Ai e potencoi se për ta bërë publike këtë deklaratë është konsultuar me babain e vajzës.

Lajmin për plagosjen e 12-vjeçares nga Mitrovica e ka bërë të ditur Ministria e Punëve të Jashtme e Kosovës.

Në njoftim thuhet se Ambasada e Kosovës në Stokholm është në kontakt të vazhdueshëm me autoritetet vendase dhe me familjen e vajzës së plagosur dhe ka ofruar ndihmën e saj sipas udhëzimeve të pranuara nga MPJD.

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy