“Bayraktarët” çdo ditë fluturojnë në qiellin e Kosovës, thotë ministri Maqedonci
Autori: Gazeta inFokus 23:52 | 27 March 2024
Ministri i Mbrojtjes, Ejup Maqedonci, ka treguar se fondi për blerjen e sistemit anti-tank “Javelin”, është fond shtesë i ndarë nga qeveria.
Në një intervistë për Klan Kosova, ai tregoi ekskluzivisht se blerja e këtij sistemi nuk është pjesë e buxhetit prej 70 milionë euro që ka kjo ministri për armatim.
Pyetje: Ato mbi 70 milionë euro, nuk preken nga buxheti i Ministrisë?
Maqedonci: Jo. Qeveria ka ndarë mjete shtesë.
Tutje, ministri ka treguar se Republika e Kosovës po negocion edhe blerje sistemesh tjera anti-tank, por jo suedezen Carl Gustaf, e përfolur së fundmi.
Ai tha se edhe helikopterët janë të planifikuar, ndërsa theksoi se faza e blerjes së tyre do të jetë nga 2025-2028.
Ndërkaq, për dronët Bayraktarë, të cilët ende nuk janë ekspozuar për publikun, ministri tha se ushtria po i lëshon çdo ditë për monitorim.
“Dronët Bayraktar testohen çdo ditë, me ta ushtrohet në baza të rregullta, janë për çdo ditë në qiellin e Kosovës në pjesën perëndimore ku po bëhen testime, normalisht që në aspektin luftarak nuk po përdoren se nuk është nevoja”, tha ai në këtë intervistë.
Ndër të tjera, ministri i Mbrojtjes, Ejup Maqedonci, ka thënë se do të respektohet zotimi i vitit 2013 që të mos përfshihet FSK-ja në operacione në katër komunat veriore pa miratim paraprak me KFOR-in.
Në këtë intervistë, ministri i FSK-së tha se edhe nëse hiqet ky zotim në të ardhmen, nuk do të thotë se FSK-ja do të zbarkojë në veri të vendit.
“Në vazhdimësi jemi të përkushtuar që në këtë aspekt të mos befasojmë askënd, të koordinohemi me KFOR-in dhe NATO-n. Nëse nevojitet mbështetja jonë, ne do të jemi të gatshëm të ofrojmë atë mbështetje për çfarëdo operacioni. Kjo do të vazhdojë deri në arritjen e një marrëveshjeje të përbashkët për të mundësuar këtë, edhe pse, edhe nëse ky zotim hiqet, nuk do të thotë se FSK-ja do të zbarkojë në veri të vendit. Ne mund të mos kemi nevojë operacionale për të qenë në veri të vendit. Ne nuk kemi baza në Kaçanik e në pjesë tjera të vendit”, tha ai në një intervistë për Klan Kosova.
Gjatë kësaj interviste, Maqedonci ka folur edhe për efektet e sulmit të Banjskës, për planin e ri për mbrojtje kolektive, si dhe për shumë detaje tjera.
Të tjera
-
Zgjedhjet në Maqedoninë e Veriut, kështu do të ndahen mandatet në Kuvend
VMRO-DPME fitoi zgjedhjet parlamentare të 8 majit në Maqedoninë e Veriut. For...
-
Konjufca uron Ditën e Evropës: Kosova duhet të anëtarësohet pa kushte shtesë në KiE
Kryetari i kuvendit, Glauk Konjufca, ka marrë pjesë në pritjen e organizuar n...
-
Sot Dita e Evropës, festë zyrtare në Kosovë
Sot është Dita e Evropës, e cila tradicionalisht festohet më 9 maj të çdo vit...
-
Moti sot me vranësira e shi
Sot parashihet të mbajë mot me vranësira të shpeshta dhe intervale të shk...
-
Konjufca: Kosova meriton dhe duhet të anëtarësohet pa kushtëzime shtesë në KiE
Në rastin e shënimit të 9 Majit, Ditës së Evropës, kryetari i Kuvendit Glauk ...
-
Takohen O’Brien, Escobar dhe Lajçak, i koordinojnë strategjitë për Kosovën e Serbinë
Asistent Sekretari i Departamentit të Shtetit, Jim O’Brien, ka pritur sot në ...
-
Osmani: Kosova storie suksesi e mbështetjes së SHBA-së, Serbia po punon kundrejt gjithçkaje
Presidentja e Kosovës, Vjosa Osmani, thotë se pati një diskutim përmbajtësor ...
-
Me tupana dhe flamuj, VLEN festë të madhe edhe në Tetovë
Me tupana dhe flamuj, VLEN feston edhe në Tetovë rezultatin zgjedhor për zgj...
-
Këto janë rezultatet nga numërimi i më shumë se gjysmës së votave në zgjedhjet kuvendare në Maqedoninë e Veriut
Komisioni Shtetëror i Zgjedhjeve ka filluar me publikimin e rezultateve të pa...
-
Zyra e BE-së në Kosovë shpall “Evropianin e vitit”
Zyra e Bashkimit Evropian në Kosovë për vitin e nëntë radhazi ka ndarë çmimin...
-
Presidencialet në RMV: Siljanovska Davkova po prin ndaj Pendarovskit
Kandidatja për presidente në Republikën e Maqedonisë së Veriut, Gordana Silja...
-
BDI shpall fitoren në Tetovë
Sot në Maqedoninë e Veriut, janë mbajtur dy procese zgjedhore. Është zhvil...