Lajme

Ish-kryenegociatori serb: Serbia po largohet nga BE, po afrohet me Rusinë

Autori: Gazeta inFokus 13:39 | 20 March 2024

Ish-kryenegociatori serb, Borko Stefanoviq ka akuzuar presidentin e Serbisë, Aleksander Vuçiq, se me lidhjet e tij me Moskën, po e largon Serbinë nga rruga e Bashkimit Evropian dhe po e afron me presidentin Putin.

Stefanoviq që është nënkryetari i Partisë për Liri dhe Drejtësi, tha se urimi i Vuçiqit për Putinin për fitoren e tij në zgjedhjet e fundit, ishte një kthim i borxhit ndaj presidentit rus, i cili ishte nder të vetmit që e uroi Vuçiqin dhe partinë e tij, për fitoren e kontestuar nga opozita në zgjedhjet e dhjetorit në Serbi.

Ai ka shtuar se me mesazhin e urimit të dërguar ambasadorit rus, Vuçiq ka dërguar dy mesazhe.

-Advertisement-

“E para, është se nuk e shqetëson atë, se zgjedhjet në Rusi organizohen nën hijen e të vdekurit Alexei Navalny dhe luftës në Ukrainë, dhe e dyta, është persekutimi dhe arrestimi i kundërshtarëve politikë, gazetarëve dhe kujtdo që guxon të kritikojë qeverisjen atokratike të tij (Putinit)”, deklaroi Stefanoviq, i cili akuzon Vuçiqin se po dëshiron të bëhet si presidenti rus.

Ai shtoi se në këtë mënyrë Vuçiq po e distancon Serbinë nga e ardhmja evropiane, e cila është garancia e vetme për një jetë normale. Madje Stefanoviq tregon se në Rusi ka qëndruar përfaqësuesi i Vuçiqit, Vladimir Gjukanoviq “për të mësuar se si do të zhvillohet procesi zgjedhor”.

“Ata që ëndërrojnë gulagët nuk mund t’i sigurojnë një jetë të mirë popullit të tyre. Lufta për zgjedhje të ndershme nuk është vetëm e drejtë, por edhe obligim i çdo personi që beson se meriton të vendosë në mënyrë të pavarur për fatin dhe të ardhmen e tij”, përfundoi Stefanoviq.

Subscribe në YouTube: GAZETA INFOKUSI
Etiketa:
Edhe një storie suksesi – PRINCE CAFFE lidh marrëveshje bashkëpunimi me kompaninë më të madhe në Kroaci të shitjes me…
-Advertisement-

Të tjera

Fokusi

lajme