Ish-burri i Drenusha Latifit shoqërohet në polici, flet avokatja e ish-missit: Të reagojnë institucionet, mos të presin me ndodh vrasja
![](https://gazetainfokus.com/wp-content/uploads/2024/03/Screenshot_1.png)
Autori: Gazeta inFokus
18:14 | 01 March 2024
Atilla Kardesh, ish-burri i ish-missit Drenusha Latifi është duke u intervistuar nga Policia e Kosovës, pasi ka shkelur një nga nenet e vendimit që Gjykata Themelore e Prishtinës ka marrë kundrejt tij, që të mos i afrohet ish-gruas së tij dhe të mos komunikojë në asnjë mënyrë me të, duke publikuar gjatë ditës së sotme një bisedë telefonike mes tyre.
Kështu ka konfirmuar për Paparacin Saranda Keqekolla, avokatja e viktimës Drenusha Latifi, e cila tha që për momentin janë në stacion policor bashkë me Drenushën dhe fëmijët e saj, duke pritur të përfundojë intervistimi i të akuzuarit, Atilla Kardesh.
Gjatë një bisede telefonike, avokatja Keqekolla është shprehur se i akuzuari ka shkelur dy vendime, njëri prej tyre ka qenë me datën 12 shkurt kur është arrestuar ku gjykata ia ka ndaluar që t’i afrohet viktimës në çfarëdo mënyrë, por ai nuk e ka respektuar duke bërë disa postime në lidhje me të dhe sot e ka përsëritur.
“Gjykata e ka caktuar masën e mbrojtjes ndaj personit, është cekur që personi nuk guxon me komuniku drejtpërdrejtë, tërthorazi, nuk guxon me publiku përmes rrjeteve sociale gjëra që kanë të bëjnë me të dëmtuarën edhe që i shkaktojnë shqetësim, kjo është shkelje shumë e rëndë, nëse nuk shkon në paraburgim neve nuk na mbet gjë tjetër veç me e marrë me vete viktimën”, është shprehur avokatja.
Tutje, Keqekolla është shprehur se pasi sot ka publikuar videon e radhës, ku dëgjohet një bisedë telefonike mes Kardesh dhe ish-gruas së tij, Drenushës, policia e ka ftuar për intervistim por ai ka gënjyer duke thënë se është jashtë kufinjve të Kosovës, kurse në anën tjetër ka shkuar në Qendrën për Punë Sociale për të marrë fëmijët, pasi gjykata ka vendosur që komunikimin me fëmijët ta bëjë përmes qendrës.
“Policia e kanë marrë vesh këtë fakt por nuk e di çka po ndodh, ne jemi duke prit në stacion bashkë me Drenushën e dy fëmijët, Drenusha ka ardh prej mëngjesit këtu, çdo ditë po i duhet me ardh bashkë me fëmijët”, ka shtuar avokatja Keqekolla.
Më tej, ajo tha se Drenusha nuk po pranon që t’ia dorëzojë fëmijët sipas vendimit të Gjykatës, duke qenë se fëmijët kanë pasaporta suedeze, pasi po frikësohet që do t’i marrë dhe do të largohet.
“Drenusha s’po pranon me ja jep fëmijët se po tutet mos po ia dërgon jashtë pasi i kanë pasaportat e Suedisë, tu e dit që i ka gënjy edhe policinë”, ka shtuar ajo.
Avoktatja tha se presin që ndaj tij të zëvendësohet masa e mbrojtjes me paraburgim, duke qenë se e ka shkelur vendimin e gjykatës dy herë me radhë, dhe se shpresojnë që institucionet të marrin vendime më të ashpra, para se të vijë tek vrasja e më pas të reagojnë e gjithë Kosova.
Atilla Kardesh, gjatë ditës së sotme ka publikuar në rrjete sociale një video me ish-gruan e tij, ku ajo i thotë të shkojë dhe t’i marrë fëmijët.
Pas publikimit të kësaj video, është ftuar në polici për intervistim, pasi sipas vendimit të gjykatës, i ndalohet çdo publikim, komunikim, apo afërsi që mund ta shqetësojë viktimën.
![](https://gazetainfokus.com/wp-content/uploads/2023/12/Screenshot_5-2.png)
Të tjera
-
‘Eskavatori’ lë pa ujë disa fshatra në Vushtrri, dëmtuan një gyp gjatë punimeve në autostradë
Kompania e kontraktuar për shtrimin e autostradës Prishtinë-Mitrovicë për...
-
Fundjavë me fluks në Morinë, kosovarët për pushime në Shqipëri edhe në shtator
Edhe mëngjesi i kësaj të shtune ka nisur me fluks qytetarësh e mjetesh nga Ko...
-
Analistët: Veprimet e fundit të Serbisë në raport me Kosovën, përpjekje për destabilizim të Ballkanit
Veprimet e vazhdueshme të Serbisë në raport me Kosovën, sikurse edhe akti i f...
-
Djali i Adem Jasharit, Luli shtrihet në Kardiologji, Lladrovci: S’besoj që ta lë shenjë ty kjo
Kryetari i komunës së Drenasit, Ramiz Lladrovci, ka bërë të ditur se Lulzim J...
-
Vogëlushi i afrohet Kurtit për selfie, pasi e kryen ia vë gishtin në gjoks: Kryeministër ishte kënaqësi, çele Urën e Ibrit
Në ceremoninë e vendosjes së shtatores së presidentit historik, Ibrahim R...
-
Tre të vdẹkur sot në plazhet e Shqipërisë, dy prej tyre kosovarë
Rreth orës 14;50, në lagjen 13 në Durrës, 67-vjeçarja me iniciale A. Gj., ban...
-
Osmani: Strukturat ilegale në veri mbajnë peng integrimin e komunitetit serb
Presidentja e Kosovës, Vjosa Osmani ka pritur në takim të Ngarkuarën me Punë ...
-
Bulliqi i kundërpërgjigjet Hysenit të LDK-së: Je një mjeran politik
Kryetari i Komunës së Podujevës, Shpejtim Bulliqi, i është kundërpërgjigjur a...
-
Qendra për menaxhim kufitar del me njoftim pas hapjes së pikave kufitare
Qendra për menaxhim kombëtar ka njoftuar se janë hapur për qarkullim pikat ku...
-
Selmanaj i drejtohet Osmanit e Gërvallës: Ju guxuat të shanit LDK’në, por nuk guxuat të bëni zë kur Kurti ua shuajti partinë
Pas pranisë së kryeministrit Albin Kurti në inagurimin e shtatores së ish...
-
Sveçla: Serbia në panik, “shkolla ruse” për destabilizim të Kosovës e rajonit po dështon
Ministri i Punëve të Brendshme, Xhelal Sveçla, ka thënë se Serbisë është ...
-
Tahiri pas inaugurimit të shtatores së Ibrahim Rugovës: Lideri që nuk u lëkund, duke mbetur i përkushtuar ndaj një Kosove të lirë
Deputeti i AAK’së, Besnik Tahiri në rastin e ceremonisë së vendosjes së s...