Lajme

​Xhaferi takohet me nënsekretarin e NATO-s, diskutojnë për sigurinë e rajonit

Autori: Gazeta inFokus 15:00 | 17 February 2024

Zëvendës Sekretari i Përgjithshëm i NATO-s, Mircea Geoana, ka thënë se Aleanca do të bëjë gjithçka që të ruajë paqen në Kosovë.

Këto komente, ai i ka bërë gjatë takimit që zhvilloi me kryeministrin e Maqedonisë së Veriut Talat Xhaferi në selinë e NATO-s të martën (13 shkurt 2024).

“Për Ballkanin Perëndimor, z. Geoana theksoi se rajoni është i një rëndësie strategjike për NATO-n, siç u theksua nga vizita e fundit e Këshillit të Atlantikut të Veriut në Bosnje dhe Hercegovinë. Mes kërcënimeve secesioniste, zoti Geoana tha se Aleanca qëndronte pranë integritetit territorial të Bosnje dhe Hercegovinës. Ai kujtoi se Aleanca kishte rritur praninë e saj ushtarake në Kosovë pas dhunës së fundit dhe do të bënte atë që është e nevojshme për të ruajtur paqen”, citohet të ketë thënë Geoana.

-Advertisement-

Zëvendës Sekretari i Përgjithshëm i NATO-s e falënderoi kryeministrin Xhaferi për angazhimin e Maqedonisë së Veriut ndaj Aleancës, duke përfshirë kontributin e trupave në misionin e KFOR-it në Kosovë dhe në Rumani, Bullgari dhe Letoni.

Sipas njoftimit, të dy udhëheqësit diskutuan më tej përgatitjet për Samitin e ardhshëm të NATO-s në Uashington, duke përfshirë edhe shtytjen e NATO-s për të investuar më shumë në mbrojtje dhe zgjerimin e bazës industriale transatlantike.

“Duke shënuar 75 vjetorin e Aleancës, Samiti do të dërgojë një mesazh të fortë uniteti dhe do të demonstrojë se NATO po përshtatet me një mjedis të pasigurt dhe më të rrezikshëm të sigurisë”, tha Zëvendës Sekretari i Përgjithshëm i NATO-s.

Subscribe në YouTube: GAZETA INFOKUSI
Etiketa:
Intervistë: Dr. Gorazd Konjanovski – Klinika Zhan Mitrev ka luajtur një rol kyç në vendosjen e themeleve në kardiokirurgji dhe…
-Advertisement-

Të tjera

Fokusi

lajme