Lajme

Lulzim Basha propozon që Shqipëria t’i ndajë Kosovës 50 milionë euro për pajisje ushtarake

Autori: Gazeta inFokus 19:42 | 19 January 2024

Kreu i opozitës shqiptare, Lulzim Basha do të paraqesë në Kuvendin e Shqipërisë një propozim për ndarjen e 50 milionë eurove për Kosovën, të destinuara për blerjen e pajisjeve ushtarake.

Këtë ai e bëri me dije gjatë një konference për media, teksa theksoi se në Shqipëri nuk flitet shumë për rrezikun e destabilizimit në rajon, apo situatën kritike në veri të Kosovës, e cila i ka dhënë sinjalet se mund të kthehet në fuçinë e barutit për të ndezur konfliktin në shkallë të gjerë.

Duke kritikuar sërish buxhetin e kaluar në vetëm katër minuta seancë në Parlament, ai tha se është jetike që Kosovës t’i vihet në ndihmë dhe është detyrë e Shqipërisë ta asistojë atë në çështjet e sigurisë.

-Advertisement-

Ndaj, ai të hënën do të depozitojë në Kuvend edhe amendimin për shpërndarjen në buxhet të këtij fondi prej 50 milionë eurosh.

Një fjalë, ai nuk e kurseu as për ngjarjet në Banjskë, duke i quajtur të pahetuara.

“Gjatë javës që po lëmë pas, është përvijuar edhe më qartë kërcënimi që i paraqitet paqes dhe stabilitetit në rajon, në veçanti Kosovë, nga revanshizmi i Serbisë nën dogmën e botës serbe. Hapi i fundit sulmi terrorist në Banjskë, ende i pahetuar”, theksoi ai.

Teksa partnerët strategjikë i kanë bërë të qarta qëndrimet e tyre, sipas Bashës, në Tiranë, nuk dëgjohet gjë tjetër veç “kukuvajkave të mëngjesit te Kryeministria apo Kuvendi”.

Për sigurinë kombëtare ndërkaq, asnjë nuk flet sipas tij.

Megjithatë, opozita do të kryejë detyrën e saj, siç përshkroi Basha, përfshi me mbështetjen ndaj Kosovës dhe do të kërkojë hapa aktivë për këtë.

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy