Lajme

Kusari-Lila: Nuk do të ishte risi nëse Kosova do të ballafaqohet me proces zgjedhor këtë vit

Autori: Gazeta inFokus 22:36 | 04 January 2024

Mimoza Kusari-Lila shefe e Grupit Parlamentar të Lëvizjes Vetëvendosjes, tha se mund të këtë zgjedhje të reja në këtë vit.

Sipas saj mund të ketë zgjedhje të përgjithshme të rregullta, duke respektuar kalendarin zgjedhor dhe se nuk do ishte risi nëse do ndodh një gjë e tillë.

“Në mars hyjmë në vitin e katër qeverisës. Sipas kalendarit zgjedhor ka mundësi që deri në fund të vitit të organizojmë zgjedhje të rregullta të cilat do të jenë në përputhje me kalendarin zgjedhor, i cili në të kundërtën do të ishte në shkurt të vitit 2025. Por, para dhe pas në periudhën 60 ditore ka mundësi të diskutimit ndërmjet subjekteve politike me presidenten e vendit për të gjetur një datë të përbashkët. Prandaj, nuk do të ishte risi nëse Kosova do të ballafaqohet me proces zgjedhur këtë vit. Pra nuk do të ishte krejtësisht e jashtëzakonshme”, ka deklaruar ajo në ‘RTK prime’.

-Advertisement-

Subscribe në YouTube: GAZETA INFOKUSI