Lajme

12 milionë udhëtarë gjatë vitit 2023, Trafiku Urban: Rekord i ri për ndërmarrjen tonë

Autori: Gazeta inFokus 17:15 | 29 December 2023

Trafiku Urban ka njoftuar se gjatë vitit 2023 gjithsej 12 milionë qytetarë kanë udhëtuar me autobusët e kësaj ndërmarrje.

Siç thuhet në njoftim, ky është rekord i ri për ndërmarrjen dhe përgjegjësi që në vitin e ardhshëm të angazhohen për shërbime edhe më cilësore.

“12 milionë udhëtarë gjatë vitit 2023. Një rekord i ri për ndërmarrjen tonë dhe një përgjegjësi për të gjithë ne, që gjatë vitit 2024 të angazhohemi për shërbime edhe më cilësore”, thuhet në njoftimin për media.

-Advertisement-

Ndryshe, nga Trafiku Urban ditë më parë kanë deklaruar për Telegrafin se kanë rreth 35 mijë udhëtarë në ditë, prandaj edhe në disa linja ka mbingarkesë.

Zyra për media e Trafikut Urban ka deklaruar se janë duke punuar për përmirësimin e shërbimeve, dhe se vitin e ardhshëm do t’i shtohen edhe 30 autobusë të rinj.

Subscribe në YouTube: GAZETA INFOKUSI