Lajme

Betimi i 17 vullnetarëve të rinj, Osmani: Lidhja jonë me ShBA-të tejkalon lidhjet diplomatike

Autori: Gazeta inFokus 14:48 | 20 Dhjetor 2023

Janë betuar 17 vullnetarët e rinj amerikanë të Korpusit të Paqes në Kosovë. Ky është grupi i tetë i vullnetarëve, ku deri më sot në Kosovë kanë ardhur mbi 200 gra e burra. Të njëjtit do të kontribuojnë në rritjen e cilësisë së mësimdhënies në shkollat e Kosovës, u tha në ceremoninë e betimit të tyre. Grupi i tetë i vullnetarëve do të shërbejnë për dy vjet në Kosovë.

Andrew Fellows në më pak se tre muaj është mësuar të mbajë fjalim në gjuhë shqipe, gjë të cilën nuk e kishte menduar para se të vinte në Kosovë.

Edhe Peter Appleby bën pjesën në grupin e 17 vullnetarëve të rinj, i cili tha se në fillim pak dinte për Kosovën.

-Advertisement-

Në betimin solemn të këtyre vullnetarëve, ambasadori i Shteteve të Bashkuara të Amerikës në Kosovë, Jeffrey Hovenier tha se deri më tani kanë shërbyer mbi 200 vullnetarë në Kosovë.

Presidentja Vjosa Osmani u ka uruar mirëseardhje grupit të tetë të vullnetarëve në Kosovë. Ajo tha se prezenca e vullnetarëve në Kosovë është shembulli më i mirë i partneritetit me Shtetet e Bashkuara të Amerikës.

Edhe ministrja e Arsimit, Arbërie Nagavci theksoi se Korpusi i Paqes e ofron këtë mbështetje në Kosovë qysh nga viti 2014.

Drejtoresha e Korpusit të Paqes në Kosovë, Carolyne Siganda ka prezantuar 17 vullnetarët, ku foli edhe për periudhën prej ardhjes së tyre në Kosovë.

Për 10 dhjetë javë me radhë, këta vullnetarë u njohën me bujarinë dhe mirëpritjen e Kamenicës, Koretinit dhe Topanicës.

Sot ata përfundojnë programin e trajnimit dhe fillojnë shërbimin dy-vjeçar në Kosovë. Disa si mësimdhënës të gjuhës angleze dhe disa si bashkëpunëtorë në mbështetje të komunave dhe organizatave jo-qeveritare.