Lajme

“Rezistoi ndaj grabitësve, ka gjasë që u ngatërrua me rripin e sigurisë”, vjehrri i Lirdone Ademaj Murseli jep detaje për ngjarjen

Autori: Gazeta inFokus 15:51 | 01 December 2023

Shaban Murseli, vjehrri i të ndjerës, Lirdone Ademaj Murseli, e cila dyshohet se është vrarë nga grabitës më 29 nëntor, ka thënë se po bëhen shumë thashetheme mbi vrasjen e saj.

Murseli në varrimin e të ndjerës u deklarua për media, ku tha se nusja ka shumë gjasë që është ngatërruar me rripin e sigurisë, derisa ishin duke tentuar të ikin.

“Ka thashetheme, por version më i saktë është se ka rezistuar. Kishin blerë shtëpi në Prishtinë, ishin duke rregulluar shtëpinë për të hyrë. I kanë plaçkitur, kanë marrë telefonat, ari, ende nuk i kam parë nipat. Versioni i tij (Naimit)  është se i ka gjuajtur fëmijët prej kerri, edhe në gjuhën suedeze i ka thënë ik, siç duket është ngatërruar nusja me rripin e sigurisë”, tha ai.

-Advertisement-

Tutje, ai tha se “është e është e tmerrshme të manipulohet më keto gjëra, unë e di sa shumë e ka dashtë Naimi atë”.

Ndryshe sot në varrezat e fshatit Cërmjan të Gjakovës i është dhënë lamtumira e fundit, Liridone Ademaj – Murseli, e cila dyshohet se është vrarë nga grabitësit në Prishtinë.

Në varrim kanë marrë pjesë familjarët e të ndjerës dhe një numër i madh i qytetarëve, transmeton Telegrafi.

Policia e Kosovës kishte konfirmuar se më 29 nëntor, rreth orës 20:00 ka pasur të shtëna me armë zjarri, ku një grua ka mbetur e vrarë.

Prokuroria vazhdon hetimet lidhur me rastin.

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy