Lajme

Nesër organizohet “Dita e Hapur”, qytetarët mund të shohin nga afër pajisje dhe armatimin e FSK-së

Autori: Gazeta inFokus 12:48 | 26 November 2023

Ministria e Mbrojtjes dhe Forca e Sigurisë së Kosovës, me rastin e Ditës së Forcës, nesër duke filluar nga ora 10:00 deri në ora 13:00 organizojnë “Ditën e Hapur’’.

Manifestimi qendror do të mbahet në kazermën “Adem Jashari” në Prishtinë, ku do të marrin pjesë udhëheqësit më të lartë shtetëror, si dhe përfaqësuesit ushtarakë e diplomatikë të vendeve partnere me mision në Kosovë, ka njoftuar kjo ministri.

Në këtë ditë festive, të gjithë qytetarët mirëpriten në të gjitha kazermat e FSK-së, si në: Prishtinë, Mitrovicë, Istog, Gjilan, Prizren, Ferizaj dhe Pomozatin, ku do të ekspozohen pajisje, armatime, demonstrime si dhe aktivitete të ndryshme, që dëshmojnë kapacitetet e FSK-së.

-Advertisement-

Gjithashtu, në të njëjtën ditë, duke filluar nga ora 19:00, do të mbahet koncerti i bendit frymor të FSK-së dhe Filarmonisë së Kosovës, në Sallën e Kuqe- Pallati i Rinisë.

Subscribe në YouTube: GAZETA INFOKUSI