Sport

Kosova synon ta përmbyllë me fitore kampanjën për Euro 2024, përballet me Bjellorusinë në ‘Fadil Vokrri’

Autori: Gazeta inFokus 08:08 | 21 November 2023

Përfaqësuesja e Kosovës do të zhvilloj ndeshjen e fundit në kampanjën kualifikuese për Euro 2024.

Dardanët kanë dështuar të kualifikohen nga Grupi I, përkundër se synimi ishte të zinin njërin nga dy vendet e para për të shkuar në Kampionatin Evropian.

Në ndeshjen e fundit të kampanjës kualifikuese, Kosova në stadiumin ‘Fadil Vokrri’ pret Bjellorusinë me fillim nga ora 20:45.

-Advertisement-

Pas nëntë ndeshjeve të zhvilluara, Dardanët kanë grumbulluar 11 pikë, dy më shumë se Bjellorusia që është një pozitë më poshtë.

Të besuarit e trajnerit Primoz Gliha janë në seri të rezultateve pozitive, ku në tre ndeshjet e fundit kanë shtatë pikë, derisa Bjellorusia ka pesë pikë.

Kosova kërkon tre pikët për të shpresuar në pozitën e tretë e cila mbahet nga Izraeli që në duelin e fundit luan përballë Andorrës.

Ndërkohë Bjellorusia synon që të shkaktojë befasi në Prishtinë për ta zënë vendin e katërt në tabelë.

E dueli tjetër i këtij Grupi është ai mes Rumanisë dhe Zvicrës që luhet për pozitën e parë në tabelë.

Subscribe në YouTube: GAZETA INFOKUSI
Etiketa:
Rëndësia e komunikimit efektiv midis Familjes dhe Kopshtit
-Advertisement-

Të tjera

Fokusi

sport