Raporti i Progresit për vitin 2023 për Kosovën e paraqet ende korrupsionin në Kosovë si shqetësimin më serioz.
Sipas këtij Raporti të BE-së si dhe Raportit të mëhershëm të DASH-it niveli i korrupsionit në qeverinë e Kosovës nuk ka ndryshuar dhe  vazhdon të jetë shqetësues.

Mos-emërimi i Blerim Isufajt, për Kryeprokuror të Shtetit nga Presidentja e Kosovës si dhe largimi i Shemsi Hazirit nga pozita i Shefit të Departamentit Special Anti-Korrupsion në kuadër të Policisë së Kosovës, apo ish ”Task-Forca Anti-Korrupsion” që merrej me parandalimin, hetimin dhe zbulimin e veprave penale kundër ekonomisë, financave dhe korrupsionit, por edhe hetimin dhe luftimin e korrupsionit në nivel të lartë në Kosovë, janë disa nga çështjet që i përmend dhe thekson ky raport.

Çuditërisht VV sa ishte në opozitë në vitin 2020 e kishte kritikuar qeverinë Hoti për vendimin e saj për shuarjen e Task-Forcës Anti-Korrupsion në kuadër të Policisë së Kosovës, e cila edhe në atë kohë drejtohej nga Shemsi Haziri, ndërsa tash që VV është në pushtet e largon pikërisht z.Haziri nga kjo pozitë, pikërisht në momentin kur po tregohej sukses sidomos në rastin e hetimit të Nagip Krasniqit, Kryeshefit të KEK-ut dhe Martin Berishajt, Ambasadorit të Kosovës në Kroaci.

-Advertisement-

Pra, nëse pushteti aktual në programin e saj elektoral “luftën kundër korrupsionit e ka pasur top prioritet”, atëherë me largimin e Shemsi Hazirit nga drejtimi i Departamentit Special Anti-Korrupsion në kuadër të Policisë së Kosovës, ka treguar që nuk është e interesuarfare ta luftojë korrupsionin.

Ç’është e vërteta është investuar shumë nga SHBA e BE në ngritjen e kapaciteteve të Departamentit Special Anti-Korrupsion, ndërkohë që largimi i z.Haziri nga ky institucion, tregon shembullin më të keq të shpërdorimit të burimeve njerëzore për interesa politike, pra siç duket për të fshehur aferat e mëdha korruptive.
“Gjatë periudhës së raportit, pak progres është bërë me kalimin e ligjeve të rëndësishme antikorrupsion. Ka nevojë që të përmirësohet zbatimi i përgjithshëm i kornizës ligjore”, thuhet në raport.

“Përpjekje të qëndrueshme janë të nevojshme për të arritur hetime më proatkive, vendime përfundimtare të gjykatës dhe konfiskim përfundimtar të pasurisë. Pavarësisht përpjekjeve që janë bërë deri tash, nevojitet një vullnet i fortë politik për të vazhduar që efektivisht të adresohen rreziqet sistematike të korrupsionit dhe një reagim të fuqishëm të drejtësisë penale ndaj korrupsionit të nivelit të lartë”, theksohet në raport.
/Gazeta Infokus/

Comodita Home rikthen “Garage Sale” për edicionin e tetë, me zbritje deri në 70%

Sponsoruar

-Advertisement-