Lajme

Minatorët grevistë të Trepçës marrin mbështetje nga minatorët e SHBA-së

Autori: Gazeta inFokus 11:31 | 29 October 2023

Greva e minatorëve në minierën e “Trepçës” po vazhdon, ku ata kanë hyrë në ditën e gjashtë të saj. Disa prej tyre kanë kërkuar edhe ndihmë mjekësore.

Minatorët grevistë të ‘Trepçës’ thënë se për të ndërprerë atë duhet të kenë siguri për realizimin kërkesave. Ata kërkojnë një marrëveshje me shkrim.

Ndërkohë, me minatorët grevist janë solidarizuar punëtorët e Bashkuar të Minierave të Amerikës (UMWA).

-Advertisement-

Kjo organizatë sindikale i ka shkruar lëtër kryeministrit Albin Kurti, me të cilën kanë shprehur përkrahjen e tyre për minatorët e Sindikatës së Pavarur të ‘TREPÇËS’ të cilët janë në grevë urie nga 24 tetori

“Është një gjendje tragjike kur punëtorët që rrezikojnë jetën e tyre çdo ditë për të mirën e vendit të tyre janë të detyruar të drejtojnë një grevë urie për të siguruar një marrëveshje të drejtë kolektive që ofron dinjitet, një mjedis të sigurt pune, përfitime jetike shëndetësore dhe kompensim të drejtë për shërbimin kritik që ata ofrojnë”, thuhet në letër.

Sipas letrës, UMWA kërkon nga kryeministri që të bëjë gjithçka për të zgjidhur me shpejtësi dhe drejtësi këtë grevë, duke u siguruar që minatorëve t’u sigurohet siguria dhe dinjiteti.

“Ne do të vazhdojmë të qëndrojmë në solidaritet me vëllezërit dhe motrat tona të Sindikatës së Pavarur të Minatorëve ‘TREPÇËS’ dhe lutemi për zgjidhjen e shpejtë dhe të drejtë të kësaj greve”, thuhet ndër të tjera në letrën e UMWA, drejtuar kryeministri Kurti.

Subscribe në YouTube: GAZETA INFOKUSI