Lajme

18-vjeçarja në Gaza: Nuk kemi kohë për të qarë – ne jemi vetëm numra, kështu na sheh bota

Autori: Gazeta inFokus 18:06 | 25 October 2023

Batool, një grua palestineze 18-vjeçare, i dërgoi BBC-së një mesazh zanor nga qyteti i Gazës këtë mëngjes.

“Emri im nuk është i rëndësishëm. Emrat e miqve të mi nuk janë të rëndësishëm. Historitë tona nuk janë të rëndësishme. Ne jemi vetëm numra – kështu na sheh bota”, e nis mesazhin zanor 18-vjeçarja.

“Ne nuk ndjejmë. Ne nuk qajmë. Nuk kemi kohë të vajtojmë të dashurit tonë, sepse të tjerët po vriten. Nuk kemi kohë të ndihemi. Ne kemi vetëm kohë për të nuhatur vdekjen që po afrohet gjithnjë e më shumë. Ne kemi vetëm kohë për t’u ulur në një dhomë dhe për të përqafuar njëri-tjetrin, duke i kërkuar Zotit të na marrë shpirtrat së bashku”, tha ajo.

-Advertisement-

“Mezi presim të flemë një natë të tërë pa u tmerruar nga zhurma e bombave që bien. Ne mezi presim të bëjmë dush, të jemi të lodhur në fund të një dite normale, të flasim për çdo gjë që pret vdekjen, dëshmorët dhe gjakun – dhe të dëgjojmë një të qeshur nga një fëmijë. A po kërkojmë kaq shumë o botë?”, përfundon mesazhin zanor dërguar BBC-së, 18-vjeçarja, Batool.

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy