Lajme

Pas deklaratave të Qeverisë për dialog dhe Asociacion, reagon Çitaku – thotë se po krijojnë shumë konfuzion dhe panik

Autori: Gazeta inFokus 14:02 | 25 October 2023

Nënkryetarja e PDK-së, Vlora Çitaku, ka reaguar pas disa deklaratave të fundit të Qeverisë së Kosovës për dialogun apo nëse do ta pranojnë apo jo Asociacionin e komunave me shumicë serbe në Kosovë.

Çitaku përmes një postimi në rrjetin social në Facebook ka shkruar se Qeveria e Kosovës është duke krijuar konfuzion dhe panik në vend.

“E kemi pranuar planin. Jo nuk e kemi pranuar planin. Nuk ka dialog pa u ndëshkuar Serbia. Ka dialog me Serbinë këtë javë. Ka asociacion. Asociacioni ka vdekur. Ka s’ka, ka s’ka, ka s’ka. Kakofoni. Konfuzion. Panik”, ka shkruar Çitaku në Facebook.

-Advertisement-

Ndryshe, kryeministri i Kosovës, Albin Kurti i është përgjigjur pozitivisht kërkesës së pesë emisarëve për një takim me liderët e Gjermanisë, Francës, Italisë dhe Presidentes së Komisionit Evropian, në margjina të samitit të Këshillit Evropian.

Për herë të parë pas 42 ditësh, kryeministri i Kosovës, Albin Kurti, dhe presidenti i Serbisë, Aleksandar Vuçiq do të jenë sërish në kryeqendrën evropiane me ftesë të Bashkimit Evropian.

Subscribe në YouTube: GAZETA INFOKUSI
Etiketa:
Thyhet REKORDI I ZBRITJEVE!
-Advertisement-

Të tjera

Fokusi

lajme