Lajme

Publikohen pamjet e ushtarëve britanikë duke patrulluar përgjatë kufirit Kosovë -Serbi

Autori: Gazeta inFokus 13:32 | 23 October 2023

KFOR ka njoftuar se ushtarët britanikë kanë kryer patrulla përgjatë kufirit Kosovë- Serbi dhe se kanë ofruar asete inxhinerike për të ndihmuar në përmirësimin e sigurisë në një shkollë lokale në Kosovë.

KFOR thotë se njësia u mobilizua pas rritjes së tensioneve në Kosovë, me qëllimin që të përmbushet mandati i tij.

“Ushtarët britanikë nga Forca Rezervë Strategjike e #NATO-s, kryejnë patrulla përgjatë vijës kufitare Administrative dhe ofrojnë asete inxhinierike për të ndihmuar në përmirësimin e sigurisë në një shkollë lokale në Kosovë. Njësia u mobilizua pas rritjes së tensioneve në Kosovë, me qëllim të sigurimit të aftësisë së #KFOR-it për të përmbushur mandatin e saj për mbajtjen e një Mjedisi të Sigurt dhe të Sigurt për të gjitha komunitetet në Kosovë.”

-Advertisement-

Britani ka dërguar rreth 200 trupa shtesë në Kosovë pas sulmit terrorist të 24 shtatorit në Banjskë. Përveç saj, ushtarë shtesë ka dërguar edhe Rumania.

Subscribe në YouTube: GAZETA INFOKUSI