Sport

Sergio Ramos në rast se shënon kundër Real Madridit, nuk do të festojë

Autori: Gazeta inFokus 14:22 | 20 October 2023

Nënkryetari i Sevillas, Jose Maria Carrasco, ka zbuluar planin e Sergio Ramos nëse ai shënon kundër ish-klubit Real Madrid këtë fundjavë.

Ai mund të mos festojë nëse shënon ndaj ish-klubit të tij.

Fituesi i Kupës së Botës 2010 u kthye në skuadrën andaluziane si lojtar i lirë pasi kontrata e tij me Paris Saint-Germain nuk u rinovua në verë.

-Advertisement-

Pasi kaloi 16 vite në kryeqytetin spanjoll, ku udhëhoqi Madridin drejt trofeve të shumta vendase dhe kontinentale, ai do të përballet të shtunën për herë të parë me ish-shokët e tij të skuadrës me fanellën e Sevillas.

Megjithatë, Carrasco beson se mbrojtësi do të përmbahet nga festimi nëse shënon.

“Mendoj se ai nuk do të festojë. Nuk e kam pyetur, por imagjinoj se nuk do të festojë. Edhe pse ai është nga Sevilla dhe është rritur këtu, dy shtëpitë e tij janë Sevilla dhe Real Madrid”, tha ai për Radio MARCA, shkruan Goal.com, transmeton KlanKosova.tv.

Sergio Ramos ishte pjesë e Real Madridit që nga viti 2005 deri në vitin 2021, i cili u ble nga Sevilla për 27 milionë euro.