Deputeti i PDK-së, Xhavit Haliti, ka thënë se terroristët që e sulmuan Policinë e Kosovës në Banjskë të Zveçanit, kishin qëllim t’i vrisnin disa civilë serbë, e pastaj të justifikohej intervenimi ushtarak i Serbisë në veri të vendit.

Sipas tij, plani ka qenë që të njoftohej edhe KFOR-i, kinse se janë duke e futur ushtrinë në Kosovë për t’i mbrojtur serbët.

“Projekti ka qenë të vriten disa civilë serbë dhe pastaj të krijohet mundësia që Serbia të vepronte ushtarakisht në drejtim të veriut, për ta justifikuar veprimin do Serbia do ta njoftonte edhe KFOR-in edhe të tjerët në emër të mbrojtjes së serbëve në veri”, ka thënë ai.

-Advertisement-

“Ishte plan që ndërhyrja ushtarake të bëhej nga Serbia, duke krijuar skena mediatike, siç bëhen në propagandën e luftës, duke prezantuar civilë të vrarë, policë të Kosovës, të veshur ata me uniforma të policisë së Kosovës. Sipas tyre, ky projekt nuk do të gjykohej nga bashkësia ndërkombëtare, por do të arsyetohej që veprimi është bërë për t’i mbrojtur civilët”, ka vijuar Haliti.

Me këto veprime, sipas tij, forcat serbe do të vendoseshin në “Ibër” për ta realizuar në tërësi planin e Serbisë për ndarjen veriut nga pjesa tjetër e Kosovës.

“Kjo do të sillte vendosjen e forcave në Ibër dhe kështu ky plan i cili ishte bërë me kohë, do ta bënte atë që ka kërkuar Serbia, një pjesë e serbëve të veriut që janë të integruar që të ndahet pjesa veriore.

Haliti ka thënë se AKI ka pasur informata të sakta se çfarë po bëhet në veri.

Ai tha se nuk pajtohet me mosveprimin për ta parandaluar veprimin e grupit terrorist.

Ai tha se është ditur se armatimi është futur në dy kisha, në një depo të madhe dhe në disa objekte me karburante.

“Veprimet janë bërë për t’i kapë armët në depon e madhe por s’i kanë gjetur, sepse duket se ata [serbët], kanë pasur informacion për këtë. Bartja nga depot në kishë është bërë për ta evituar hetimin e Policisë, e cila ka ndërmarrë veprimin. Ngjarja e cila u zhvillua brenda grupit, kush e ka njoftuar policin [Afrim Bunjaku], që janë vendos dy kamionë dhe pse nuk kanë shkuar forcat speciale, nuk e di sa ka qenë i përgatitur për atë aksion”, ka thënë ai./RTV Dukagjini

Comodita Home rikthen “Garage Sale” për edicionin e tetë, me zbritje deri në 70%

Sponsoruar

-Advertisement-