Lajme

Takimi i ministrave të NATO-s, ambasadori rumun: Tensionet në Ballkan na shtynë të dërgojmë 134 trupa shtesë

Autori: Gazeta inFokus 10:41 | 11 Tetor 2023

Ministrat e Mbrojtjes së NATO-s këtë të mërkurë kanë nisur një takim dyditor që po mbahet në Bruksel, ku po diskutohet për luftën në Ukrainë.

Ministri i Rumanisë në NATO, Dan Neculaescu, në llogarinë e tij në “X” duke njoftuar për këtë takim, ka radhitur disa vende ku ka tensione e luftë.

Ai ka përmendur edhe tensionet në Ballkanin Perëndimor, duke thënë se ato kanë bërë që Rumania të dërgojë 134 trupa shtesë në KFOR.

-Advertisement-

“Tensionet në Ballkanin Perëndimor, duke bërë që Rumania të forcojë kontributin e saj për praninë e KFOR-it me 134 trupa”, ka shkruar Neculaescu.

Today we begin a new @NATO #DefMin & will convene the #Ukraine Defense Contact Group. While discussions will focus on Ukraine & NATO’s Defense & Deterrence, we have to be aware of the reality marked by:

🔹 Russia’s ongoing brutal war against Ukraine, with clear & dangerous…

— Dan Neculaescu (@DanNeculaescu) October 11, 2023

Shtimi i trupave të NATO-s në Kosovë vjen pas sulmit të 24 shtatorit nga një grup të terrorist ndaj Policisë së Kosovës në Banjskë të Zveçanit. Nga ky sulm mbet i vrarë rreshteri Afrim Bunjaku.