Osmani: Nëse dëshmohet se Serbia ka qenë e përfshirë në sulmin në Banjskë, duhet të rishqyrtojmë pjesëmarrjen në “Open Balkan”
Autori: Gazeta inFokus 11:19 | 05 October 2023
Shefi i diplomacisë, Bujar Osmani, beson se Maqedonia duhet të rishqyrtojë pjesëmarrjen në nismën e Ballkanit të Hapur, nëse vërtetohet se Serbia ka qenë në ndonjë mënyrë e përfshirë në sulmin e policisë së Kosovës në fshatin Banjskë, në veri të Kosovës, transmeton Portalb.mk.
“Pas ngjarjeve në Kosovë të 24 shtatorit, mendoj se Serbia duhet të bëjë përpjekje që të dëshmojë se nuk është e përfshirë në atë ngjarje, sepse nëse ka ndonjë ndërhyrje të shtetit, realisht na e bën të pamundur pjesëmarrjen në shtetet tjera në rajon, sepse ideja e një Ballkani të Hapur, mbi të gjitha ishte pajtimi. Dhe ajo që ndodhi në veri të Kosovës, shpresoj të dëshmohet se nuk ka asnjë përfshirje shtetërore, por nëse vërtetohet, vërtet mendoj se duhet ta rishqyrtojmë pjesëmarrjen tonë”, tha Osmani në emisionin “Top Tema” në TV Telma.
Në sulmin e policisë së Kosovës më 24 shtator në afërsi të fshatit Banjskë, në veri të Kosovës, mbeti i vrarë rreshteri i policisë Afrim Bunjaku dhe disa të tjerë u plagosën. Në shkëmbimin e zjarrit mes policisë dhe grupit të armatosur, tre sulmues kanë vdekur, ndërsa në afërsi të Banjskës është gjetur një arsenal i madh armësh.
Qeveria e Kosovës fajëson Serbinë për këtë incident, ndërsa Beogradi zyrtar mohon çdo përfshirje.
Pesë ditë pas incidentit, më 29 shtator, Milan Radoiçiq, biznesmen dhe politikan nga veriu i Kosovës dhe ish-nënkryetar i Listës Serbe, partia më e madhe e serbëve të Kosovës, mori përgjegjësinë e plotë për organizimin e sulmit.
Ai pardje është ndaluar dhe marrë në pyetje nga organet kompetente në Beograd, ndërsa dje me vendim të Gjykatës së Lartë është liruar nga paraburgimi dhe i është shqiptuar masa e ndalimit të daljes nga territori i Serbisë.
Ambasadori amerikan në Kosovë, Jeffrey Hovenier, ka thënë dje në një takim me gazetarë në Prishtinë se çështja e përgjegjësisë për sulmin ndaj policisë së Kosovës në Banjska nuk përfundon me deklaratën e Radoiçiqit se ai e ka organizuar sulmin.
Hovenier tregoi se Uashingtoni dhe partnerët do të vazhdojnë përpjekjet për të kuptuar se çfarë ka ndodhur realisht dhe kush është përgjegjës për ngjarjet në Banjska të 24 shtatorit.
“Unë do të thosha se gjëja e duhur për shërbimet tona të sigurisë dhe partnerët e tjerë është të vazhdojmë të përpiqemi të kuptojmë se çfarë ka ndodhur. Shtetet e Bashkuara ishin të qarta, ata që janë përgjegjës për sulmin duhet të mbajnë përgjegjësi. Ky mbetet qëndrimi ynë. Ne do të vazhdojmë të përpiqemi të kuptojmë se çfarë ka ndodhur, kush është përgjegjës dhe pse”, tha ambasadori.
Të tjera
-
Kurti: Bashkë do të sigurojmë që Kosova të jetë një vend më i banueshëm, me i qëndrueshëm dhe i sigurt për brezat e ardhshëm
Kryeministri i Republikës së Kosovës, Albin Kurti, gjatë pasdites mori pjesë ...
-
Lladrovci: Duhet të ndalet degradimi i shtetit, zgjedhjet e 9 shkurtit janë rast t’i jepet fund qeverisjes aktuale
Kryetari i Drenasit që vjen nga rradhët e PDK-së, Ramiz Lladrovci ka reaguar ...
-
Kurti i shkon në vizitë Sabri Fejzullahut: Për ditëlindjen e tij të 77-të na pritën me ngrohtësi
Kryeministri Albin Kurti e ka vizituar këngëtarin e mirënjohur Sabri Fejzulla...
-
Ardita Sinani njoftim të rëndësishëm qytetarëve në Preshevë për problemin me qentë endacak
Kryetarja e Preshëvës, Ardita Sinani, njofton qytetarët se nga nesër do të fi...
-
Përurohet Shtëpia e Kulturës në Suharekë, Haradinaj: Komunat tona po luftojnë të përparojnë pa mbështetjen e duhur nga niveli qendror
Kryetari i Aleancës për Ardhmërinë e Kosovës (AAK), Ramush Haradinaj, ka vizi...
-
Dënohen me mbi 12 vjet burgim nëntë të akuzuarit për dëmtim të buxhetit mbi 2 milionë euro
Gjykata Themelore në Prishtinë në rigjykim, ka dënuar me 12 vjet e 9 muaj bur...
-
Agim Bahtiri e lëshon edhe këtë deklaratë: Edhe 146 ditë vendi mbetet pa opozitë
Ish-kryetari i Mitrovicës, Agim Bahtiri, ka befasuar me deklaratën e dhënë së...
-
Kusari-Lila: PDK, gjithçka munden me qenë veç liberalë jo
Shefja e Grupit Parlamentar e Lëvizjes Vetëvendosje, Mimoza Kusari-Lila ka th...
-
Ministrja gjermane: Kosova dhe Gjermania po bashkëpunojnë për një Evropë të gjelbër
Ministrja Federale gjermane për Klimë, Anna Lührmann, dhe kryeministri i Koso...
-
Qalaj: Ura e Ibrit duhet të hapet “por jo duke krijuar tensione”
Hapja e Urës së Ibrit për qarkullim të automjeteve e ka përkrahjen e Partisë ...
-
Babë e bir dënohen me 36 vjet burgim për vrasjen e ndodhur në Rahovec
Gjykata Themelore në Gjakovë i ka shpallur fajtorë babë e bir, Enver dhe Emir...
-
Enver Hasani thotë se Vuçiq synon izolimin dhe armiqësimin e mëtejmë të Kosovës me Perëndimin me 7 pikat e tij
Ish-Kryetari i Gjykatës Kushtetuese dhe Profesori i së Drejtës dhe Marrëdhëni...