Lajme

Ambasadorët e QUINT-it në OSBE me deklaratë të përbashkët, dënojnë sulmin terrorist në Banjskë

Autori: Gazeta inFokus 17:42 | 28 September 2023

Ambasadorët e shteteve të QUINT-it në OSBE e kanë dënuar sulmin terrorist të së dielës në veri të Kosovës.

Ambasadori i Shteteve të Bashkuara të Amerikës në OSBE, Michael Carpenter, ka lëshuar sot deklaratë në emër edhe të përfaqësuesit e Francës, Gjermanisë, Italisë dhe Mbretërisë së Bashkuar pas takimit qe ka pasur me ta sot, shkruan Reporteri.net.

Ata kanë kërkuar që kriminelët të vihen para drejtësisë.

-Advertisement-

“Dënojmë fuqishëm sulmet e dhunshme në afërsi të Manastirit të Banjskës më 24 shtator që çuan në humbjen e jetës së një rreshteri të Policisë së Kosovës. Ne shprehim ngushëllimet tona të sinqerta për një vdekje kaq tragjike në krye të detyrës. Autorët duhet të mbajnë përgjegjësi dhe të sillen para drejtësisë përmes një procesi hetimor transparent”, thuhet në reagimin e përbashkët.

“Ne vlerësojmë koordinimin e ngushtë të Policisë së Kosovës me Forcën e Kosovës të udhëhequr nga NATO dhe Misionin e BE-së për Sundimin e Ligjit në Kosovë për të garantuar sigurinë e civilëve dhe vazhdojmë ta monitorojmë situatën nga afër”, thuhet tutje.

Ndërkaq, ambasadorët kanë theksuar se prioritet mbetet normalizimi i raporteve Kosovë-Serbi përmes dialogut të ndërmjetësuar nga BE-ja.

“Ne ritheksojmë angazhimin tonë për të ulur tensionet. Në këtë drejtim, prioriteti ynë mbetet ecja përpara në normalizimin e marrëdhënieve ndërmjet Kosovës dhe Serbisë, duke filluar me kthimin në Dialogun e lehtësuar nga BE-ja. Diplomacia është e vetmja rrugë drejt paqes së qëndrueshme”.

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy