Majko: Kurti po bën detyrën si kryeministër, kërkohet vetëm koordinim me Perëndimin dhe NATO-n
Autori: Gazeta inFokus 08:36 | 27 September 2023
Ish-kryeministri i Shqipërisë, aktualisht deputeti i Partisë Socialiste, Pandeli Majko thotë se kryeministri i Kosovës, Albin Kurti po bën detyrën e tij, duke dashur të vendosë ligjshmërinë në të gjithë vendin.
Në emisionin “Real Story” në ABC News, Majko u shpreh se nga Kurti kërkohet vetëm koordinim me Perëndimin dhe NATO-n.
“Albini nuk është një politikan i rastësishëm, madje mund ta quash me plot gojën, një kafshë të mirëfilltë politike, por jo në sensin negativ, por në sensin pozitiv të komplimentit. Po ndjek një kurbë që ka të bëjë me një detyrë kryesore të kryeministrit të Kosovës, për kontrollin e territorit dhe vendosjen e ligjshmërisë. Albini, nga këndvështrimi i të qënurit kryeministër i Kosovës, po bën thjesht detyrën e tij. Në logjikën e një kryeministri i cili po kërkon të vendosë kontrollin, jo policesk, por ligjor në të gjithë territorin e Kosovës, këtu nuk ke pse të hysh në asnjë lloj debati, e bën mirë apo e bën keq. Të vetmen rezervë, që po diskutohet me Albinin, është koordinimi. Ky koordinim me Perëndimin, me NATO-n, është shumë i rëndësishëm. Shikoni se sa mirë po lëviz tani ingrazhi pas ngjarjes së rëndë që ka ndodhur, midis Perëndimit dhe Kosovës”, tha Majko.
“Mendoj që edhe kjo është pjesë e reflektimit të Albinit vetë dhe qeverisë së Kosovës, pas asaj mënyrë të gabuar, të dërgimit të trupave policore në komunat serbe. Nuk i tha njeri pse i çove, kërkuan koordinim. Në atë moment, po të mos kishin ndërhyrë trupat e NATO-s, do të bëhej masakër”, theksoi ai.
Me tej, Majko tha se Kosova është parësore në politikën e jashtme të Shqipërisë. Ai u shpreh se Shqipëria ka një karrige në Këshillin e Sigurimit të OKB-së, çka e bën atë të rëndësishme për të ndërhyrë dhe për t’i qëndruar në krah Kosovës.
Sipas Majkos, midis kryeministrit Edi Rama dhe kryeministrit Albin Kurti, nuk ka kimi.
“Mendoj se të paktëm janë dy arsye, që e bëjnë Edi Ramën të sillet si danez, ose gjysmë danez. Së pari, Shqipëria sapo ka marrë një rol sa i përket çështjes së integrimit evropian në rajon. E dyta, Shqipëria ka një status të ndryshëm nga të gjitha vendet e rajonit, ka një karrige në Këshillin e Sigurimit. Të dyja këto elemente, nuk e bëjnë Shqipërinë më pak të rëndësishme apo më pak të tërhequr. E bëjnë atë të rëndësishme të ndërhyjë në momentin e duhur, duke pasur këto dy mekanizma, për t’i qëndruar në krah Kosovës. Por që Shqipëria në këto momente është totalisht në krah të Kosovës, në Prishtinë shkuan pas ngjarjes ministri i Brendshëm dhe i Jashtëm. Mendoj që kjo është pasardhja e një krize që ndodhi me mos realizimin e mbledhjes së përbashkët të dy qeverive.
Nuk është sekret të thuhet që midis Ramës dhe Albinit nuk ka kimi, ose nuk ka kiminë që kanë pasur kryeministrat e mëparshëm. Shqipëria në këto momente, ka alfën dhe omegën e politikës së saj të jashtme, ka Kosovën”, theksoi ai.
Majko, duke folur për ngjarjen e fundit në veri të Kosovës, ndër të tjera tha se ajo që ndodhi me humbjen e jetës së policit të Kosovës ka sjellë një efekt domino dhe tanimë kriza nuk është në Prishtinë, por në Beograd.
“Ajo që ndodhi me humbjen e jetës së policit të Kosovës, ka sjellë një efekt domino. Duket sikur kriza është në Prishtinë, por nuk është Prishtinë, është në Beograd” tha Majko.
Në lidhje me rolin e Shqipërisë, ndikimin e saj dhe marrëdhënien me Kosovën, Majko dhe se Shqipëria e bëri punën e saj duke dërguar dy ministra atje që sipas tij është një gjest i barabartë me shpalljen e një dite zie.
Më pas ai shtoi se në këto momente duhet të tregohemi të kujdesshëm me bashkëpunimin me Kosovës, pasi akuza kryesore e Serbisë në këto momente do të ishte “Shqipëria e Madhe”.
“Nuk ka patos nga pala shqiptare. Qeveria shqiptare bëri punën e vet, dërgoi dy ministrat atje, që është e barabartë me shpalljen ditën zie.
Tani që flasim shteti i Shqipërisë dhe ai i Kosovës duhet të kenë një diferencë. Për mënyrën se si na shohin. Ku akuza kryesore që Serbia do të artikulojë në këto momente, për një mënyrë të ngjeshur të bashkëpunimit mes Shqipërisë dhe Kosovës do të jetë “Shqipëria e Madhe”.
Gjuha e kujdesshme e Shqipërisë, pozita e saj në KSH, qenia në qendër të gjeneratorit të procesit të integrimit për Rajonin, ne na e ka dhënë golin edhe pa gjuajtur topin.
Mos merremi me atë që duket, ndonjëherë që ajo që nuk duket ka më shumë rëndësi në marrëdhëniet ndërkombëtare.
Dihet që zinë, por e përjetojnë në të gjithë ato vende ku ka shqiptarë, pa ulur flamurin në gjysmë shtizë dhe kjo ka shumë rëndësi, sepse ata po rikrijojnë veten e tyre” shtoi Majko.
Të tjera
-
Kurti u përgjigjet atyre që e refuzuan për takim: Mendova se është më së miri të takohemi të gjithë së bashku
Kryeministri i Kosovës, Albin Kurti, ka thënë se është i interesuar që të tak...
-
Ramiz Lladrovci nga Gryka e Bunës: Kapitenit të sprovuar, zakonisht i bëjnë mirë dallgët
Gjatë fundjavës, Ramiz Lladrovci ka postuar pamje duke lundruar, me motobarkë...
-
Si tentoi gjykatësi Kryeziu ta joshte praktikanten 22-vjeçare për djalin e tij me blerje çantash
Një 22-vjeçare derisa po zhvillonte praktikën në Gjykatën Themelore në Gjilan...
-
Presidenti i Këshillit Evropian kërkon nga Izraeli të mos ndërmarrë operacione tokësore në Rafah
Presidenti i Këshillit Evropian, Charles Michel, i ka reaguar qeverisë izrael...
-
Përfundon periudha transitore për dinarin
Sot përfundon periudha transitore e Bankës Qendrore të Kosovës rreth çështjes...
-
Shqipëria pretendon se Rusia ia bombἀrdoi konsullatën në Ukrainë, interesohet për provat
Qeveria shqiptare ka nisur përpjekjet të dokumentojë me prova ligjore, shkatë...
-
SHBA: Izraeli ka gjasë që ka shkelur ligjin ndërkombëtar në Gaza duke përdorur armë amerikane
Administrata e presidentit Joe Biden njoftoi të premten se ishte "e arsyeshme...
-
“Ata dështuan, drejtësia fitoi”, Rama konfirmon pushimin e hetimeve ndaj tre zyrtarëve komunal për keqpërdorim të detyrës zyrtare
Kryetari i Prishtinës, Përparim Rama ka njoftuar se Prokuroria Themelore në P...
-
Qindra ukrainas detyrohen të ikin nga Kharkivi
Sulmet ruse në veri-lindje të Ukrainës kanë shkaktuar evakuimin e pothuajse 1...
-
Murati thirrje qytetarëve të regjistrohen: Do të mund të bëjmë politika më të mira
Ministri i Financave, Hekuran Murati, ka bërë thirre që qytetarët që nuk janë...
-
Ramadani “dekonspiron” regjisorin serb: Po mundohet ta përgatisë opinionin perëndimor për planet serbe ndaj Kosovës
Ish-inspektori i Përgjithshëm i Agjencisë së Kosovës për Inteligjencë (AKI), ...
-
15 të vrἀrë në Rafah, në mesin e tyre katër fëmijë
Të paktën 15 persona u vranë në një sulm ajror dhe artilerie në Rafah, sipas ...