Lajme

Rasti Thaçi dhe të tjerët, dëshmon ish-oficeri britanik i KFOR-it

Autori: Gazeta inFokus 16:10 | 13 September 2023

Para pak minutash në Dhomat e Specializuara të Gjykatës Speciale ka nisur dëshminë Doug Young, dëshmitar ndërkombëtar i Prokurorisë së Specializuar, i 25-ti me radhë.

Young i cili është ish oficer i ushtrisë britanike kishte shërbyer në Kosovë në kuadër të Misionit Vëzhgues Diplomatik të Mbretërisë së Bashkuar e më pas edhe në misionin e OSBE-së, për t’u kthyer edhe njëherë në Kosovë pas luftës si pjesë e KFOR-it, në kuadër të së cilit mision, siç deklaroi Young në krye të herës ka ndihmuar në krijimin e Trupave Mbrojtëse të Kosovës, njofton Klan Kosova.

Douglas Young, sipas Prokurores Deborah Mayer ka bashkëpunuar me UÇK-në për gjetjen e personave të rrëmbyer nga UÇK-ja dhe kthimin e tyre. Ky dëshmitar është i treti ndërkombëtar i ZPS-së, pas këshilltarit dhe ish raportuesit të Humans Right Watch, Frederick Abrahams dhe ish oficerit britanik të inteligjencës Frank Ledwidge të cilët poashtu kanë dëshmuar në seanca të hapura për publikun.

-Advertisement-

Dëshmia e Young pritet të zgjasë së paku edhe të enjten, pas përfundimit të pyetjeve rreth 1 orë nga Prokurorja Mayer dhe kundërpyetjeve nga ekipet mbrojtëse në çështjen “Thaçi dhe të tjerët”.

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy