Ministri i Punëvë të Brendshme të Kosovës, Xhelal Sveçla, në një reagim në profilin e tij zyrtar ka thënë se Policia e Serbisë ka arrestuar sot drejtorin e Administratës në Komunën e Leposaviqit, Nikolla Radomiroviq, i cili njëherit është edhe djali i zëvëndësministrit të Ministrisë për Kthim dhe Komunitete.

Sveçla ka thënë se Nikolla Radomiroviq bashkë me të fejuarën e tij po mbahen në stacionin e policisë në Rashkë dhe janë arrestuar vetëm pse Nikolla është pejsë e institucioneve të Republikës së Kosovës dhe se bashkë me babain e tij kanë refuzuar t’i nënshtrohen presionit të Serbisë.

“Drejtori i Administratës në Komunën e Leposaviqit njëherit djali i Zëvëndësministrit të Ministrisë për Kthim dhe Komunitete Nikolla Radimiroviq, është arrestuar sot nga policia e Serbisë dhe është dërguar në stacionin e policisë serbe në Rashkë. Ai së bashku me të fejuarën e tij po mbahen të arrestuar për arsyen e vetme se Nikolla është pjesë e institucioneve të Republikës së Kosovës dhe se së bashku me babain e tij në vazhdimësi i kanë rezistuar presionit të Beogradit dhe bandave të tyre”, ka shkruar ministri i Brendshëm, raporton Express.

-Advertisement-

Ai e sheh këtë si hakmarrje pas suksesit të djeshëm të Kosovës për të organizuar lojërat mesdhetare.

Sveçla gjithashtu ka bërë thirrje që ai të lirohet bashkë me të fejuarën e tij.

“Ky arrestim i padrejtë është edhe një dëshmi e qasjes destruktive e destabilizuese të qeverisë së Serbisë dhe hakmarrje pas suksesit të Kosoves të arritur dje dhe dështimit të tyre për të ndalur vendimin që Kosova të jetë nikoqire e lojërave mesdhetare 2030.

Kërkojmë nga Beogradi që urgjentisht të lirojë Drejtorin Radimiroviq dhe të fejuarën e tij dhe të ndalojë presionet e aktet e jashtëligjshme ndaj shtetasve të Kosovës, veçanërisht ndaj atyre të etnisë serbe të cilët janë lojal ndaj shtetit të tyre, Republikës së Kosovës, e në shërbim të të gjithë qytetarëve të saj”, ka përfunduar ai.

Comodita Home rikthen “Garage Sale” për edicionin e tetë, me zbritje deri në 70%

Sponsoruar

-Advertisement-