Lajme

Mbetjet e dronit rus që ranë në Rumani, Stoltenberg: Nuk kemi asnjë indikacion se ishte e qëllimshme

Autori: Gazeta inFokus 14:07 | 07 September 2023

NATO nuk ka asnjë indikacion se mbetjet e një droni të gjetur në territorin e Rumanisë, janë rezultat i një sulmi të qëllimshëm rus në atë vend, tha sot Sekretari i Përgjithshëm i NATO-s, Jens Stoltenberg.

Ukraina tha të hënën se dronët shpërthyen mbi Rumani gjatë një sulmi ajror rus në një port ukrainas përtej Danubit, transmeton Telegrafi.

“Gjatë një sulmi masiv rus pranë portit Izmail, dronët iranian Shaheds që i përdorin rusët ranë dhe shpërthyen në territorin e Rumanisë”, shkroi zyrtari ukrainas Oleg Nikolenko në Facebook, duke shtuar se ishte “një tjetër konfirmim se terrori raketor rus përbën një kërcënim të madh jo vetëm për sigurinë e Ukrainës por edhe sigurinë e vendeve fqinje, duke përfshirë edhe vendet anëtare të NATO-s”.

-Advertisement-

Megjithatë, në reagimet e para Bukureshti mohoi që territori rumun të ishte goditur, por të mërkurën pati një kthesë kur ministri i Mbrojtjes, Angel Tilvar, tha se ka mundësi që pjesët e fluturakes pa pilot të gjetur në territorin rumun t’i përkasin një droni rus.

“Ne nuk kemi asnjë informacion që do të tregonte një sulm të qëllimshëm nga Rusia. Do të presim rezultatet e hetimit në vazhdim”, tha Stoltenberg.

Megjithatë, ai vuri në dukje rreziqet që vijnë nga sulmet ajrore ruse në afërsi të territoreve të disa prej vendeve anëtare të NATO-s.

“Është tregues i rrezikut të incidenteve dhe aksidenteve”, shtoi ai. “Pavarësisht nga rezultati i hetimit, jemi dëshmitarë të luftimeve dhe sulmeve ajrore pranë kufijve të NATO-s”, tha Stoltenberg.

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy