Lajme

Rama dërgon në Presidencë propozimet për ndryshimet në qeveri

Autori: Gazeta inFokus 16:57 | 06 September 2023

Kryeministri i Shqipërisë, Edi Rama, ka dërguar në Presidencë propozimet për ndryshimet në kabinetin qeveritar.

Në bazë të Kushtetutës, kreu i shtetit ka 7 ditë kohë për t’u shprehur dhe për të dekretuar ministrat e rinj.

Bëhet me dije se më datat 6-8 shtator, Presidenti Bajram Begaj ndodhet në Kazakistan për një vizitë shtetërore.

-Advertisement-

Kujtojmë se gjatë Asamblesë Kombëtare të PS-së, më 4 shtator, Rama prezantoi dhe ndryshimet në kabinetin qeveritar.

Nga ndryshimet e bëra  u prekën 6 ministri, ndërkohë që u shkri Ministria për Standardet dhe Shërbimet, raporton “Euronews Albania”.

Sakaq u shtua një tjetër ministri pa protofol, Ministria e Pushtetit Vendor, e cila do të drejtohet nga Arbian Mazniku.

Shefi i qeverisë së Shqipërisë bëri me dije se posti i Ministrit për Evropën dhe Punët e Jashtme do t’i besohet Igli Hasanit.

Sakaq Ogerta Manastirliu është larguar nga Ministria e Shëndetësisë dhe është emëruar si Ministre e Arsimit dhe Sportit.

Ministrja Delina Ibrahimaj është zhvendosur nga Ministria e Ekonomisë dhe Financave për të marrë drejtimin e Ministrisë së Shtetit për Sipërmarrjen dhe Klimën e Biznesit.

Në Ministrinë e Financave dhe Ekonomisë është emëruar Ervin Meta.

Deputetes së PS Anila Debaj i është besuar posti i Ministrisë së Bujqësisë, e cila do të zëvendësojë ish-ministren Frida Krifca.

Ministër i Shëndetësisë dhe Mbrojtjes Sociale është emëruar Albana Koçiu.

Subscribe në YouTube: GAZETA INFOKUSI
Etiketa:
E treta e verteta, shpallet fituesi I trete I Lojes Shperblyese se Artmotion?
-Advertisement-

Të tjera

Fokusi

lajme