Lajme

​LDK në fazën finale të përfundimit të programit “Rruga e Re”

Autori: Gazeta inFokus 20:56 | 05 September 2023

Lidhja Demokratike e Kosovës (LDK) po kalon një tjetër etapë në zhvillimin e programit të saj, “Rruga e Re”, në një mbledhje dyditore, që pritet të jetë vendimtare për lansimin zyrtar të programit në muajt në vazhdim.

Në këtë mbledhje, ekspertë partiakë të LDK-së po bëjnë prezantime të hollësishme për sektorët kryesorë të programit, të cilat më pastaj po komentohen dhe po marrin sugjerime nga pjesëmarrësit.

Mbledhja ka përfshirë një spektër të gjerë të pjesëmarrësve, nga deputetë, kryetarë dhe zyrtarë të komunave të ndryshme, deri te anëtarë të përgjithshëm të partisë.

-Advertisement-

Kjo mbledhje, e udhëhequr nga kryetari i LDK-së, Lumir Abdixhiku, është rezultat i një procesi të gjatë dhe të hollësishëm konsultativ me ekspertë të ndryshëm, si brenda ashtu edhe jashtë strukturës së partisë.

“Rruga e Re” po hartohet si një platformë e qëndrueshme dhe e gjithëpërfshirëse që adreson sfidat dhe mundësitë të cilat i ka Kosova.

Zyrtarë të LDK-së bëjnë të ditur se detajet e programit “Rruga e Re” do të prezantohen zyrtarisht gjatë muajve në vazhdim, duke i dhënë një formë të plotë dhe të detajuar vizionit të partisë për të ardhmen e Kosovës.

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy