Lajme

U shkarkua nga qeveria, Bujar Ejupi kërkon ndërhyrjen e Prokurorisë

Autori: Gazeta inFokus 11:12 | 26 August 2023

Bujar Ejupi, ish-drejtor i përgjithshëm i Autoritetit të Aviacionit Civil të Kosovës, i shkarkuar të mërkurën nga Qeveria e Kosovës, po dyshon se vendimi i kabinetit qeveritar të kryeministrit Albin Kurti është sulm ndaj sinjalizimeve të tij dhe një tentativë për të fshehur faktet e keqpërdorimeve dhe korrupsionit në AAC.

Për këtë, ai i ka kërkuar të premten, nga dhoma e spitalit ku i është nënshtruar një ndërhyjre kirurgjike, Prokurorisë Speciale që të shkojë në zyrën e tij dhe t’i mbrojë si dëshmi kopjet e falsifikimeve të licencave dhe e-mail’at zyrtarë, që i ka poseduar vetë ai si shef i Autoritetit të Aviacionit Civil të Kosovës.

“Vendimi për shkarkimin tim (s’jam njoftuar ende zyrtarisht), i papritur dhe pa asnjë paralajmërim nga Qeveria, është padyshim një sulm ndaj sinjalizimit tim dhe një tentativë për të fshehur faktet e keqpërdorimeve dhe korrupsionit. Është e qartë që unë shkarkohem ndërsa jam në spital për të penguar qasjen time në dokumente dhe dëshmi, për të fshehur provat (shkresat zyrtare, emaail-at, dokumentacionin, etj.)”, shkruan Ejupi në letrën e tij për “trajtim urgjent”, të adresuar tek u.d. i Kryeprokurorit të Shtetit, Besim Kelmendi dhe Kryeprokurori i Prokurorisë Speciale Blerim Isuaj, e disa Prokurorë tjerë specialë.

-Advertisement-

 

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy