Lajme

“Dukagjini” nxjerr në rrenë ministren Nagavci: Kemi ofertuar më lirë se vitin e kaluar

Autori: Gazeta inFokus 16:28 | 21 August 2023

Shtëpia botuese Dukagjini i është kundërpërgjigjur Ministrisë së Arsimit Shkencës, Teknologjisë dhe Inovacionit, Arbëri Nagavcit në lidhje me çmimin e teksteve shkollore ku ministrja deklaroi që kanë kërkuar një çmim të lartë, shkruan Gazeta Infokus.

Nga kjo shtëpi botuese kanë deklaruar se kanë ofruar një çmim më të lirë se sa vitin e kaluar.

“Kemi ofertuar më lirë se vitin e kaluar. Shtëpia botuese “Dukagjini” është duke përcjellë me vëmendje diskutimin që është duke u bërë në raport me librat për filloristët. Shtëpia jonë botuese, për hir të transparencës, dëshiron ta njoftojë opinionin publik se në ofertimin që kemi bërë në Ministri, pavarësisht inflacionit dhe rritjes globale të çmimeve, ne kemi ofertuar me çmim më të lirë për rreth 4% krahasuar me vitin 2022”, kanë deklaruar nga shtëpia botuese Dukagjini.

-Advertisement-

Ndryshe në komunikatën e tyre thuhet se do ta bëjnë maksimumin që të i përmbushin obligimet.

Ndryshe ministrja sot në një konferencë për media ka deklaruar se çmimet për tekstet shkollore kanë qenë të larta duke bërë një ofertë për prindërit që të i blejnë vetë ata librat për fëmijët e tyre e pastaj ministria do të i rimbursojë ato mjete./Gazeta Infokus/

Subscribe në YouTube: GAZETA INFOKUSI