Lajme

Ish-kryesindikalisti: Minatorëve të Trepçës nuk po u dalin pagat, shefat nuk po japin sqarime

Autori: Gazeta inFokus 07:14 | 11 August 2023

Minatorët e Trepçës dje kanë bojkotuar punën për shkak se nuk i kanë marrë pagat e muajit të kaluar.

Kjo nuk është hera e parë që për një kohë të shkurtër minatorëve të Mitrovicës nuk u ekzekutohen pagat. Për të njëjtën çështje, ata hynë në grevë edhe në fillim të korrikut.

Për grevat e shpeshta që ata bëjnë, foli Gani Osmani, që është ish-kryetar i Sindikatës së Punëtorëve të Trepçës.

-Advertisement-

Ai tha se mendon që e gjithë kjo është për shkak të keq-menaxhimit.

“Pagat nuk bëhen dhe na thonë ‘jo s’kemi para’ dhe nuk u japin shpresa minatorëve që do të dalin pagat. Atë ditë që minatorët e ndalin punën, vjen ndonjë menaxher ose drejtor dhe thotë ‘hyni në punë se pagat do të dalin sot’”, deklaroi Osmani.

Ai tutje shtoi se nuk e di se pse nuk po i lëshojnë pagat e të mos presin që fillimisht minatorët ta bojkotojnë punën.

“Pse nuk vijnë dhe të japin ndonjë sqarim e të thonë ‘o burra nuk ka pagë deri në këtë datë, jemi keq me mjete’. Por përkundrazi, asnjë informacion nuk po u jepet minatorëve”, u shpreh ish-kryetari i Sindikatës së Punëtorëve të Trepçës, Gani Osmani për Klan Kosova.

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy