Lajme

Vdes njëri nga të plagosurit në incidentin e mbrëmshëm në Prishtinë

Autori: Gazeta inFokus 08:49 | 05 August 2023

Një 39-vjeçar ka vdekur në orët e hershme të mëngjesit sot i cili ishte i plagosur nga incidenti i natës së mbrëmshme në rrugën “Rexhep Luci” në Prishtinë.

Këtë për Klankosova.tv e bëri të ditur doktor Shaqir Uka nga Klinika Intensive, i cili tha se i ndjeri për shkak të plagëve të mëdha që kishte marrë nuk mundi të mbijetojë.

“Ka vdekur njëri prej të lënduarve nga plagët që kishte nga gjuajtja me armë në orët e mbrëmshme në Prishtinë”.

-Advertisement-

“Ai ishte nën kujdesin intensiv kishte intervenik kirurgjik por për shkak të lëndimeve të mëdha, fatkeqësisht ka ndërruar jetë pasi nuk ka arritur t’i përballojë plagët”, ka thënë Uka.

Incidenti i mbrëmshëm ka ndodhur për shkak të një zënke në lokal. Sipas policisë, dy persona janë identifikuar si të implikuar në rast, nga kjo mbetën të lënduar 17 persona.

Subscribe në YouTube: GAZETA INFOKUSI