Sport

Felix “tradhton” keq Atletico Madrid, portugezi zbulon dëshirën e merkatos

Autori: Gazeta inFokus 12:30 | 19 July 2023

Pas përfundoi periudhën e huazimit në Londër te Chelsea, Joao Felix është rikthyer te Atletico Madrid, një ambient ku portugezin nuk e dëshirojnë me trajnerin Diego Simeone që prej kohësh e ka lënë jashtë skemave të tij.

Edhe vetë 24-vjeçari nuk dëshiron të vazhdojë më në radhët e madrilenëve dhe është duke pritur një mundësi për t’u larguar. Janë disa klube që kanë shprehur interes për Felix, por shifra e lartë që pretendon Atletico Madrid bën që të largohen shumë pretendentë. Paris Saint-Germain hoqi dorë ndërsa nga ana tjetër, Aston Villa mundet vetëm ta huazojë.

Megjithatë, dëshira e vetë lojtarit është një tjetër klub dhe bëhet fjalë për një tjetër skuadër të La Liga-s. Së fundmi, Felix shprehet se ëndrra e tij e fëmijërisë është të luajë në radhët e Barcelonës.

-Advertisement-

“Do të më pëlqente të luaja me Barcelonën, ky klub ka qenë gjithnjë zgjedhja e parë për mua. Nëse një ditë vesh fanellën e katalanasve, atëherë për mua do të ishte realizimi i një ëndrre që e kam prej fëmijërisë”, u shpreh Felix.

Subscribe në YouTube: GAZETA INFOKUSI
Etiketa:
BKS-ja kërkon nga Institucionet që sigurimi për bujqit të bëhët obligativ
-Advertisement-

Të tjera

Fokusi

sport