Lajme

Shkëlzen Gashi me një deklaratë skandaloze, krahason qeverisjet e pasluftës me ato të Milloshoviqit duke thënë se ka momente që kanë qenë më barbare se ato të viteve 90-a

Autori: Gazeta inFokus 23:40 | 18 July 2023

Shkëlzen Gashi, aktivist, ka lavdëruar kryetarin e Lidhjes Demokratike të Kosovës (LDK), Lumir Abdixhikun.

Gjatë emisionit Pressing ishin të ftuar të përfaqësues të LDK-së, Doarsa Kica-Xhelili dhe Berat Rukiqi.

E për shefin e tyre, Gashi tha se nuk i ka shërbyer qeverive të kaluara siç e quan ai “regjimit të vjetër”.

-Advertisement-

Madje thotë se LDK-ja ka bërë reformë dhe si e tillë do t’i shpërblehet, duke u rritur në zgjedhjet e ardhshme. Ai parashikon shifrën te 20%.

Gashi e lavdëroi Abdixhikun edhe për mos pjesëmarrjen në Qeverinë Hoti, si dhe kundërshtimin paraprak që të rrëzohet Qeveria Kurti në pandemi.

“Unë jam i bindur që LDK-ja ka me pas rritje dhe kanë me i ndrru rolet me PDK-në. LDK-ja ka me shku te 20%, ndërkaq PDK-ja ka me ra aty ku është PDK-ja. Mendoj që LDK-ja e ka marrë mesazhin e 14 shkurtit më mirë se PDK-ja”, tha fillimisht Gashi.

“LDK-ja ka reflektu dhe për mendimin tim e ka bërë një reformë. E ka sjellë në krye një person që nuk i ka shërby atij regjimi kriminal që e ka sundu Kosovën në mënyrë barbare dhe ka momente që edhe më barbare se regjimi kriminal okupues gjatë viteve të 90’ta. Ka qenë një qytetar aktiv dhe shumë kritik përmes shkrimeve. Ka qenë ministri më i mirë i Qeverisë Kurti 1. Ka kundërshtu kategorikisht rrëzimin e Qeverisë Kurti 1 në kohë të pandemisë. Nuk ka pranu me u bë pjesë e Qeverisë së Avdullah Hoti. I ka skaju ata që janë identifiku me LDK-në si patericë e PDK-së dhe është mundu me sjellë njerëz të mirë aq sa ka mujtë”, ka deklaruar ai.

Ai e përmbylli këtë qëndrim për Abdixhikun duke thënë se “nuk e kishte penguar zgjedhjen e Vjosa Osmanit si presidente”.

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy