Sport

Shkëmbim i bujshëm në aksin Paris-Manchester, francezët ofrojnë dy futbollistë për Bernardo Silva

Autori: Gazeta inFokus 10:15 | 18 July 2023

Paris Saint-Germain synon të befasojë Barcelonën dhe klubet arabe në garën për Bernardo Silvën.

Fantazisti i Manchester City është ende në mëdyshje nëse do të qëndrojë në Angli dhe për momentin nuk e ka marrë në konsideratë ofertën e “The Citizens” për të rinovuar kontratën që skadon në vitin 2025. Klube të shumta pretendojnë shërbimet e portugezit, por së fundmi Parisi është duke lëvizur konkretisht dhe është gati t’i ofrojë Cityt dy lojtarë për shërbimet e Silvës.

Trajneri i parizienëve, Luis Enrique e kërkon me çdo kusht Bernardo Silvën dhe mund të heeqë dorë nga Marco Verrati dhe portieri Gianluigi Donnarumma. Bëhet fjalë për dy nga emrat më të rëndësishëm në organikën e PSG në vitet e fundit, megjithatë francezët janë të hapur për ndryshime dhe po ideojnë një skuadër të re për sezonin e ardhshëm.

-Advertisement-

Ndaj, Verrati dhe Donnarumma janë në “tavolinë” dhe mund të kalojnë në Angli, sigurisht nëse marrin më parë aprovimin e Pep Guardiolës. Spanjolli e vlerëson shumë kontributin e Bernardo Silvës në 11-tëshen e tij titullare, e nuk duket i prirur të pranojë shkëmbimin, megjithatë vetë drejtuesit e Cityt sipas asaj që raporton “Foot Mercato” janë të gatshëm që të vijojnë negociatat.

Nëse ndodh që marrëveshja të kompletohet, atëherë sigurisht që do të ishte një nga lëvizjet më të bujshme të merkatos dhe që do të zhgënjente padyshim Barcelonën që tenton prej kohësh të bindë Bernardo Silvën, por që katalanasit nuk kanë luksin të shpenzojnë për shkak të pasigurisë financiare.

Subscribe në YouTube: GAZETA INFOKUSI