Biden dhe Zelensky do të takohen në Vilnius në kuadër të samitit të NATO-s
Autori: Gazeta inFokus 12:20 | 11 July 2023
Shtëpia e Bardhë ka njoftuar se presidenti amerikan Joe Biden do të takohet me presidentin e Ukrainës, Volodymyr Zelensky, gjatë samitit dy-ditor të NATO-s në Lituani.
Duke folur në Vilnius përpara samitit, këshilltari i Sigurisë Kombëtare i Shtëpisë së Bardhë, Jake Sullivan tha më 11 korrik se Biden dhe Zelensky do të takohen të mërkurën për të shqyrtuar se “si Shtetet e Bashkuara së bashku me partnerët janë të përgatitur që të angazhohen në mënyrë afatgjatë për të ndihmuar Ukrainën të mbrohet tani, si dhe për të penguar agresionin në të ardhmen”.
Samiti do të diskutojë mbështetjen e mëtejshme ushtarake të NATO-s për Ukrainën në mbrojtjen e saj kundër agresionit rus dhe lidhjet e saj të ardhshme me aleancën, duke përfshirë perspektivat e anëtarësimit.
Këshilltari i lartë i presidentit Zelensky, Mykhailo Podolyak i tha Radios Evropa e Lirë më 11 korrik se Zelenskiy dhe Biden do të bisedojnë gjithashtu për mundësitë e përshpejtimit të ndihmës ushtarake për Ukrainën, duke përfshirë avionët dhe raketat me rreze të gjatë.
Këshilltari i Sigurisë Kombëtare i Shtëpisë së Bardhë, Sullivan deklaroi se NATO do t’i ofrojë Ukrainës një udhërrëfyes për zbatimin e reformave që përfundimisht do të çonin në anëtarësimin e saj në aleancë.
Megjithatë, ai nuk dha detaje për një afat kohor se kur kjo mund të ndodhë.
Duke folur në Vilnius më 11 korrik, Sekretari i Përgjithshëm i NATO-s, Jens Stoltenberg tha se Ukraina do të marrë një “mesazh pozitiv në rrugën e anëtarësimit”, së bashku me garancitë dypalëshe të sigurisë.
Stoltenberg tha gjithashtu se aleatët duhet të bien dakord që të heqin kërkesën për një Plan Veprimi për Anëtarësim (MAP) për Ukrainën. MAP përbën një listë të qëllimeve politike, ekonomike dhe ushtarake që vendet e tjera të Evropës Lindore duhet të përmbushnin përpara se të bashkoheshin me aleancën.
“Ukraina ka bërë një rrugë të gjatë që kur morëm vendimin në vitin 2008 se hapi tjetër do të ishte Plani i Veprimit për Anëtarësim. Ukraina është shumë më afër NATO-s, kështu që mendoj se ka ardhur koha për ta reflektuar këtë në vendimet e NATO-s”, tha Stoltenberg.
Zelenskiy më 10 korrik u kërkoi përsëri aleatëve perëndimorë një “sinjal të qartë” mbi perspektivat e anëtarësimit të vendit të tij në NATO.
“Ukraina e meriton të jetë në aleancë. Jo tani, sepse tani ka luftë, por ne kemi nevojë për një sinjal të qartë dhe ky sinjal është i nevojshëm tani”, tha Zelensky në një video-mesazh të postuar në Twitter./REL
Të tjera
-
Kusari-Lila: Borrelli e Lajçaku s’kanë lejuar që qeveria ta hartojë konceptin e Asociacionit
Shefja e deputetëve të Lëvizjes Vetëvendosje, Mimoza Kusari – Lila, ka thënë ...
-
Imami kosovar thirrje Kurtit e Haxhiut: Lejoni shamitë në shkolla!
Imami Kosovar Labinot Maliqi, përmes një postimi ne facebook i ka bërë thirrj...
-
Besnik Tahiri: Nëse e bën këtë, unë i them hallall të koftë Albin Kurti
Shefi i GP-së së AAK-së, Besnik Tahiri, është shprehur i pakënaqur me punën e...
-
Marëdhënie në nivel strategjik
Kina deklaroi ngritjen e marrëdhënieve me Hungarinë Serbinë mbi nivelin e par...
-
Përbërja e re e Kuvendit të RMV-së do të jetë me 30 deputetë shqiptarë
Përbërja e re e Kuvendit të Maqedonisë së Veriut do të ketë 30 deputetë shqip...
-
Firmat e sanksionuara, dikur në bashkëpronësi të Radoiçiqit, fituan miliona euro
Mbi 23.5 milionë euro. Kaq fituan tri kompani ndërtimi në Serbi, të cilat gje...
-
Kurti: Vazhdojnë të mblidhen dëshmitë e krimeve të kryera gjatë luftës në Kosovë
Kryeministri i vendit, Albin Kurti, ka takuar drejtorin ekzekutiv të Institut...
-
Gjenerali amerikan merr detyrën e shefit të shtabit të KFOR-it në Kosovë
Gjeneral brigade Arthur J. Garffer nga ushtria amerikane ka marrë zyrtarisht ...
-
Bajrami – Gërvallës: S’mbulohën dështimet në politikën e jashtme me të pavërteta për ekonominë e Kosovës
Hykmete Bajrami, deputete e Lidhjes Demokratike të Kosovës, i ka reaguar, min...
-
Abdixhiku takon delegacionin 30 anëtarësh të CSU-së: LDK-ja i ruan dhe i kultivon raporte me forcat kryesore evropiane
Kreu i LDK-së, Lumir Abdixhiku, njofton se ka mirëpritur delegacionin 30 anët...
-
Skandaloze: Në parcelën ku duhet të ndërtohet një çerdhe në Prishtinë, po ngrihet një objekt banesor
Një skandal i madh, i pa parë deri më tash po ndodh në komunën e Prishtinës, ...
-
Bashkëluftetari i Ilir Konushevcit: S’kemi menduar kurrë se do t’i bëhej pritë në shtetin që kishim më së shumti besim
Sot janë bërë 26 vjet që nga rënia e heroit të kombit, Ilir Konushevci, bashk...