Sport

PSG planifikon goditjen e verës për ta bërë sa më pak të dhimbshëm largimin e Mbappesë

Autori: Gazeta inFokus 14:26 | 10 July 2023

E ardhmja e Mbappesë mbetet mister. Klubi i PSG-së, i drejtuar nga Nasser Al-Khelaïfi, i dha një ultimatum të qartë: ose të rinovojë kontratën ose duhet të largohet para nisjes së sezonit të ri.

Para humbjes së mundshme të “yllit” francez, drejtuesit e PSG-së po punojnë për të përforcuar skuadrën e tyre me një lojtar tepër cilësor, për ta bërë më pak të dhimbshme lamtumirën të mundshme të francezit.

PSG po tenton blerjen e Bernardo Silvës. Futbollisti portugez ka deklaruar në disa raste synimin e tij për t’u larguar nga futbolli anglez dhe tani, skuadra franceze duket më e pozicionuara për të marrë shërbimet e tij.

-Advertisement-

Bernardo Silva konsiderohet te City si një nga lojtarët më të mirë të momentit. Ai është shumë teknik, me aftësi të mëdha për të kombinuar, vizion të mirë të pasimit.

Përveç kësaj, edhe trajneri i ri i PSG-së, Luis Enrique, ka dhënë miratimin për këtë blerje të mundshme.