Rozë

Brad Pitt bëhet ‘pilot’ i Formula 1, shihni makinën që ai do ngasë

Autori: Gazeta inFokus 14:51 | 06 Korrik 2023

Xhirimet për filmin e frymëzuar nga F1 ‘Apex’, me protagonist Brad Pitt dhe prodhuar nga Lewis Hamilton, kanë filluar në Silverstone.

Imazhet e para të makinës që Brad Pitt do të ngasë në një film të ardhshëm të frymëzuar nga Formula 1, janë zbuluar ndërsa xhirimet për projektin filluan në Silverstone përpara Çmimit të Madh të Britanisë.

Xhirimet për projektin e shumëpritur, ‘Apex’, në të cilin kampioni i botës shtatë herë Lewis Hamilton po punon si producent, ka filluar në Silverstone përpara se të vazhdojë gjatë gjithë pjesës së mbetur të sezonit F1 2023 dhe potencialisht më tej.

-Advertisement-

Ekipit të Apex, makin që Pitt do të ngasë në film, i është dhënë një garazh në pistën e Silverstone, midis Mercedes dhe Ferrari, për të mbështetur xhirimet gjatë gjithë fundjavës.

Fotot e garazhit u shfaqën të mërkurën, përpara se të enjten në mëngjes të publikoheshin imazhet e para të makinës Apex në pistë.

Emri i personazhit që Pitt do të luaj është Sonny Hayes dhe u zbulua nga etiketimi jashtë garazhit të tij. Pritet që gjatë kësaj fundjave ai të ngasë makinën në pistën e F1.

Duke diskutuar projektin në maj, Hamilton tha se po përpiqej të siguronte që ai të ishte “i larmishëm” dhe ta bënte sportin të duket “si duhet” në të ardhmen.

Projekti po drejtohet nga Joseph Kosinski dhe është prodhuar nga Jerry Bruckheimer, dyshja që punoi në hitin e Hollivudit të vitit 2022, Top Gun: Maverick.

Shoferi i Mercedes zbuloi gjithashtu se ai po luan një rol aktiv në kastin për filmin, i cili përfshin aktorin britanik Damson Idris dhe aktorin irlandez Kerry Condon.

“Rekrutimi po shkon mirë, dhe unë mund t’i shoh të gjitha ato video që vijnë përmes njerëzve që bëjnë audicione për rolet. Dhe unë jam pjesë e vendimmarrjes se kë zgjedhim, kush na pëlqen dhe kush është më i përshtatshmi apo jo”, tha Hamilton.