Superylli kolumbian i muzikës pop bëri një hyrje epike në Javën e Modës në Paris të mërkurën, duke marrë pjesë në shfaqjen e Viktor & Rolf Haute Couture e veshur me një pallto të bardhë të zbukuruar me një fjalë të vetme me shkronja gjigante tredimensionale: “JO”.

Shumë fansa dyshuan se Shakira po i dërgonte një mesazh ish-partnerit të saj, Gerard Piqué, me të cilin ka dy djem, sipas Top Albania Radio.

Këngëtarja e hitit “She Wolf”, 46 vjeçe dhe ish-futbollisti spanjoll, 36 vjeç, u ndanë në qershor 2022 pas më shumë se një dekade së bashku, mes thashethemeve për tradhti. Dhe ndarja e tyre e hidhur është bërë kryefjalë e mediave që atëherë; në janar, një burim tha se Shakira ishte “shkatërruar” kur mësoi se Piqué dyshohej se kishte pasur një lidhje me të dashurën e tij të re, Clara Chia Marti, “për shumë më gjatë nga sa e imagjinonte” dhe duke kaluar kohë së bashku “në shtëpinë me të cilën ndanin me femijet e tyre.”

-Advertisement-

Ajo e ka trajtuar “lëndimin” në muzikën e saj dhe së fundmi pretendoi se Pique e “tradhtoi” atë ndërsa babai i saj ishte në spital; Pique, nga ana e tij, ka thënë se është “i lumtur” dhe “nuk kërkon falje” pas ndarjes së çiftit. Një fanse shkroi për daljen e saj në Javën e Modës në Paris: Ka vite që Shakira nuk merr pjesë në një ngjarje, duket sikur më në fund është liruar nga ai burrë.

Një tjetër ndau një postim në Twitter: Ndjej se është ajo që ajo do të vishte për të nënshkruar letrat e divorcit dhe për t’u përballur me Gerard.

Të tjerë menduan se veshja e saj që bën deklarata mund të jetë mënyra e Shakira-s për të konfirmuar se në fakt nuk është në lidhje me pilotin e F1, Lewis Hamilton, pavarësisht raportimeve se dyshja janë në “fazat e hershme” të një lidhjeje. Shakira dhe Hamilton janë parë së bashku disa herë, duke qëndruar në një varkë në Miami në muajin maj dhe duke shijuar një darkë me pamje komode në Barcelonë në qershor.

Këngëtarja e “Whenever, Wherever” ka takuar gjithashtu Tom Cruise që nga ndarja e saj me Piqué, por ndërsa një burim i tha Page Six se aktori ishte “jashtëzakonisht i interesuar për të”, një mik i familjes së Shakira-s tha se ata janë thjesht “miq”. Shtypi dëshiron të krijojë një romancë, por ajo e njeh Tom-in për një kohë të gjatë. Ajo është e fokusuar te familja e saj.

Ndoshta, atëherë, Shakira thjesht u thotë “jo” burrave në përgjithësi këtë verë.

Comodita Home rikthen “Garage Sale” për edicionin e tetë, me zbritje deri në 70%

Sponsoruar

-Advertisement-