Sport

Neymar gjobitet me 3.5 milionë dollarë për shkelje mjedisore

Autori: Gazeta inFokus 13:40 | 05 July 2023

Autoritetet braziliane kanë deklaruar se ylli i futbollit Neymar u gjobit me 3.5 milionë dollarë për shkeljen e rregullave mjedisore gjatë ndërtimit të rezidencës së tij bregdetare në Brazilin juglindor.

Projekti luksoz shkeli rregullat në lidhje me përdorimin dhe lëvizjen e burimeve të ujërave të ëmbla, shkëmbinjve dhe rërës, pretenduan fillimisht autoritetet lokale në fund të muajit të kaluar dhe konfirmuan të hënën.

Një zëdhënës i Neymar refuzoi të komentojë mbi këtë çështje. Rezidenca e tij ndodhet në qytetin Mangaratiba, në bregun jugor të shtetit Rio de Zhaneiro të Brazilit.

-Advertisement-

Organi mjedisor i Mangaratiba tha në një deklaratë të hënën se shkelje mjedisore janë bërë “në ndërtimin e një liqeni artificial në rezidencë”.

Përveç gjobës, çështja do të hetohet nga Prokuroria e Përgjithshme vendore, Policia Civile e Shtetit dhe zyra e mbrojtjes së mjedisit.