Sport

Talenti turk e refuzon Barcelonën, zgjedh Real Madridin

Autori: Gazeta inFokus 08:11 | 05 July 2023

Mesfushori Arda Guler ka ndryshuar mendje në çastet e fundit, duke vendosur t`i bashkohet Real Madridit para Barcelonës.

Mesfushori me tipare sulmuese ishte ndër prioritet e Barcelonës, me presidentin Joan Laporta që disa herë publikisht tregoi dëshirën e klubit për ta transferuar këtë verë.

Por, turku vendosi në çastet e fundit që ta refuzojë fanellën katalunase në mënyrë që të luajë për rivalin Real Madrid.

-Advertisement-

Mediumi i besueshëm “The Athletic” raporton se Guler ka zgjedhur t’i bashkohet Realit dhe një marrëveshje do të kompletohet brenda javës.

18-vjeçari pastaj do t’i bashkohet skuadrës së Carlo Ancelotti në fazën parapërgatitore, por ende nuk dihet saktësisht nëse do të huazohet apo të jetë direkt me ekipin e parë në edicionin e ardhshëm.

Guler ka kontratë me Fenerbahcen deri më 2025, por me një klauzolë lirimi që vlen 17.5 milionë euro. Real Madridi i ka premtuar gjigantit turk se do të paguajë më shumë se klauzola e lirimit për ta bërë më të lehtë transferimin.

Përpos kësaj, Fenerbahce gjithashtu do të ketë një 20 për qind në rast që Reali vendos në të ardhmen ta shet futbollistin.

Edicionin e kaluar, “Mesut Ozili i ri” ishte i mahnitshëm pasi asnjë futbollist në moshën e tij nuk ishte i përfshirë në gola në top pesë ligat evropiane.