“Nuk dha tender unë”, Hysen Durmishi ia dhuron me dorë të vetën kontratën 8.6 milionë € dostit të tij

Autori: Gazeta inFokus
09:32 | 22 June 2023
Ministria e Infrastrukturës e ka shpërblyer me tender 8.6 milionë euro grupin e operatorëve ekonomikë, Bageri, Asfalti dhe El Bau. Mbi kontratën ekziston një dyshim. Miqësia mes Bujar Shabanit, pronar i kompanisë Bageri dhe Hysen Durmishit, zëvendësministër i Infrastrukturës mund të jetë bërë shkak i ujdisë mes palëve. Numri dy i Infrastrukturës tha se nuk është ai që jep tenderë. Hulumtimi i Institutit për Hulumtime Front e dëshmon të kundërtën. Ishte vetë ai që e hodhi nënshkrimin në letër më 19 qershor të këtij viti.
Marrëveshja obligon konsorciumin të përfundojë punimet e lotit të dytë të rrugës Prishtinë – Besi – Podujevë. Projekti është i ndarë – krahas këtij – edhe në katër lote tjera, për çka u kontraktuan kompani të ndryshme kosovare. Më së shumti do të kushtojë loti i tretë, 9.2 milionë euro. Pastaj loti i dytë, 8.6, ai i parë 8.4, loti zero – 6.1 dhe ai i pestë, 1.4 milionë sosh. Rreth 35 milionë në total realizimi i krejt planit infrastrukturor. Ministria e Infrastrukturës ka aplikuar procedurën e hapur në këtë aktivitet prokurimi.
Zv/ministri Durmishi e mohon ndikimin, kompania hesht
Për lotin e dytë, mbi të cilin ekzistojnë dyshimet se në epilogun e tenderit ndikoi lidhja politikë – biznes, garuan 17 kompani.
Oferta prej 8.6 milionë euro e grupit të operatorëve ekonomikë, Bageri, Asfalti dhe El Bau nuk ishte më e lira. Megjithatë u përzgjodh si më e mira e mundshme në fund, meqë shtatë kompanitë e tjera që ofertuan më lirë u eliminuan për shkak siç u tha mos përmbushjes së kritereve të kërkuara në Dosjen e Tenderit, raporton Instituti për Hulumtime Front.
Hysen Durmishi e ka pranuar publikisht miqësinë me Bujar Shabanin, pronarin e njërës prej kompanive fituese. Megjithatë ai për “IFront” ka mohuar çdo ndikim të mundshëm në përzgjedhjen e kompanisë Bageri dhe kompanive tjera, Asfalti dhe El Bau si fituese të lotit të dytë.
“A nuk po keni me çka me u merr a. Nuk jap tenderë unë. Me to merret Zyra e Prokurimit. Nuk kam ndikuar në dhënien e këtij loti”, u shpreh Durmishi për “IFront”.
Në anën tjetër, nga kompania nuk i kanë kthyer përgjigje IFrontit që nga java e kaluar, përkundër që pyetjet i janë drejtuar në adresë elektronike.
Telashet e pronarit të kompanisë me ligjin
Pronari i kompanisë Bageri, Bujar Shabani ka telashe me ligjin.
Mbi të rëndon akuza për “keqpërdorim dhe mashtrim në prokurim publik” në një tender rreth 4 milionë eurosh për zgjerimin e rrugës së fshatit Bibaj dhe kyçjen e saj në autostradën “Arbën Xhaferi”.
Sipas aktakuzës së ngritur më 26 prill 2022 nga Prokuroria Themelore e Ferizajt, në muajin mars të vitit 2019, i pandehuri si pronar i Operatorit Ekonomik NPSH ‘Bageri’, me seli në Ferizaj, me vetëdije kishte shkelë rregullat e prokurimit publik gjatë një oferte për dhënien e kontratës së prokurimit publik, duke paraqitur dokument të rremë, në atë mënyrë që me rastin e ofertimit në projektin ‘Zgjerimi i rrugës në fshatin Bibaj, kyçja në autostradë Arbër Xhaferi’, me numër të prokurimit 656-19-3136-511 dhe ofertimin në projektin ‘Asfaltimi i rrugëve në fshatin Jezerc’, me numër të prokurimit 656-19-3386-511, kishte ofruar të dhëna të rreme, përkatësisht kishte falsifikuar kontratat e punës të lidhura me të dëmtuarit Arben Vranovci dhe Violeta Aliu, duke ndërruar përmbajtjen e kontratave të punës, raporton Betimi për Drejtësi.
Tutje në aktakuzë thuhet se i pandehuri Shabani e po ashtu pa lejen dhe dijeninë e të lartcekurve kishte përdorur diplomat e kualifikimit universitar, CV-të, referencat si dhe licencën për kryerjen e matjeve kadastrale në emër të Violeta Aliut, me qëllim të mashtrimit dhe ndikimit në vendimin e një autoriteti kontraktues në procedurën e prokurimit publik, me ç’rast i njëjti është përzgjedhur si tenderues i suksesshëm duke përfituar projektin trevjeçar ‘Asfaltimi i rrugëve në fshatin Jezerc.
I pandekur është deklaruar i pafajshëm ndaj akuzës.
Ndërkaq sipas organizatës AVONET, kompania Bageri edhe në një aktivitet tjetër prokurimi ka aplikuar me dokumente të falsifikuara.
Bëhet fjalë për kontratën: Ndërtimi i rrugëve në lagjet Sllovi, Gadime, Smallushë, Gumnasellë, Llugaxhi dhe Babush, i cili kap vlerën e 734 mijë eurove./Instituti për Hulumtime Front

Të tjera
-
Osmani i bashkohet thirrjes së Rubios në mbështetje të sovranitetit të Bosnje e Hercegovinës
Presidentja e Kosovës, Vjosa Osmani, i është bashkuar deklaratës së sekretari...
-
Kurti: Synojmë që në mandatin e ardhshëm me mua si kryeministër, pakicat t’i kemi në kabinetin qeveritar
Kryeministri Kurti sot gjatë konferencës për media është pyetur nga gazetarët...
-
Shqiptaro-amerikanët takojnë Osmanin, kërkohet formimi i shpejt i Qeverisë dhe rikalibrimi i raporteve me SHBA
Presidentja e Kosovës, Vjosa Osmani u takua me Këshillin për Marrëdhënie Shqi...
-
Kurti: Rashiq u shantazhua në forma të ndryshme për t’ia dëmtuar reputacionin te votuesit serbë
Kryeministri Kurti gjatë konferencën së sotme ka thënë se ministri për Komuni...
-
Kurti: Vuçiqi përmes Radoiçiqit ndërhyri në zgjedhjet tona duke ndihmuar Listën Serbe, u cenua demokracia
Kryeministri Albin Kurti tha se Serbia ndërhyri në zgjedhjet. Ai tha se shtet...
-
Dy vjet nga marrëveshja e Brukselit, zbatimi i saj s’duket në horizont
Zbatimi i Marrëveshjes Bazë të Brukselit dhe aneksit të Ohrit mes Kosovës dhe...
-
Vazhdon pranvera e hershme edhe në pesë ditët e ardhshme
Java e ardhshme parashihet të jetë me mot të ndryshueshëm, ndërsa temperatura...
-
Presidenca: Publikimi i fotografisë me gratë e inteligjencës u bë me vlerësimin e AKI-së
Presidentja e Kosovës Vjosa Osmani, me rastin e 8 marsit – Ditës së Gruas, në...
-
Tre të lënduar në një aksident në Pejë
Tre persona janë lënduar si pasojë e një aksidenti që ka ndodhur mbrëmjen e s...
-
Gjermani: Për çfarë kanë rënë dakord CDU/CSU dhe SPD?
Ç’mund të ndryshojë me një qeveri të koalicionit CDU/CSU dhe SPD? Dokumenti i...
-
Gashi kërkon rinumërim të të gjitha votave: Një fenomen i vërejtur në këto zgjedhje është manipulimi masiv me votën e diasporës
Deputeti i LDK’së, Arben Gashi, ka kërkuar rinumërim të të gjitha votave pasi...
-
Zjạrri kaplon Bjeshkët e Deçanit, Ramosaj kërkon ndihmë
Një zjarr ka kapluar Bjeshkët e Deçanit, gjatë ditës së djeshme, derisa me kë...