Qeveria ndan 10 euro për fëmijë e 50 euro Prishtina për qen, flet ministri Murati
Autori: Gazeta inFokus 15:43 | 21 June 2023
Nga 50 euro në muaj do të subvencionohen të gjithë qytetarët që do të adoptojnë qentë endacakë në kryeqytet. Një vendim i tillë, ka nxitur reagime të shumta nga qytetarët, duke bërë krahasim me shtesat që Qeveria i ndan për fëmijë, e që është 10 euro për muaj.
KosovaPress ka pyetur ministrin e Financave, Punës dhe Transfereve, Hekuran Murati se a më shumë vlen jeta e një fëmije a një qeni, Murati ka thënë se si qeveri po ndajnë mjete për fëmijë, ndërsa Komunat le të veprojnë si të donë me buxhetin vetanak.
Murati: Ne si qeveri po ndajmë për fëmijë, komuna le të veprojë si të dojë me buxhetin e vet
“Ne si qeveri po ndajmë për fëmijë, Komuna le të veprojë si të dojë me buxhetin e vet”, thotë mes tjerash Murati.
Megjithatë, ai shton se ende nuk është në dijeni për një vendim të tillë, por thekson se kërkesa e komunave ka qenë vazhdimisht të administrojnë të hyrat e tyre vetanake, dhe tani mund të bëjnë çfarë të duan.
Murati: Çdoherë ka qenë që komunat duhet t’i administrojnë vet të hyrat vetanake
“Nuk e di, nuk e kam parë një vendim të tillë, kam dëgjuar disa deklarata… Pyetja kryesore që është shtruar çdoherë ka qenë që komunat duhet t’i administrojnë vet të hyrat vetanake, tash i kanë të hyrat vetanake”, deklaron Murati.
Shumë qytetarë kanë reaguar të martën me ironi ndaj vendimit të Komunës së Prishtinës, madje, është thënë se më shumë vlen një jetë qeni, se sa një jetë fëmije.
Lidhur me këtë sociologu Leutrim Sahiti ka shkruar në Facebook se është absurde që 10 euro për fëmijë i jep shteti si “lëmoshë”, kurse 50 euro në muaj për ata që adoptojnë një qen endacak në Komunën e Prishtinës.
“Shoqëri e absurdeve! 10 euro për fëmijë i jep shteti si ‘lëmoshë’ kurse 50 euro në muaj për ata që adoptojnë një qen endacak në Komunën e Prishtinës. Kaq vlen jeta e një fëmije në shtetin tonë. Çfarë degradimi shtetëror e shoqëror! Kaq vlen jeta e një fëmije në shtetin tonë. Çfarë degradimi shtetëror e shoqëror!”, ka shkruar Sahiti në Facebook.
Komuna e Prishtinës ka njoftuar të martën se do të subvencionojë me nga 50 euro në muaj të gjitha ata që shprehin interesim për të adoptuar qen, ndërsa maksimumi i lejuar për një person për adoptim të qenve është deri në 5.
Në anën tjetër Qeveria ndan vetëm 10 euro për fëmijët nga mosha 2 vjeç deri 16 vjeç, kurse nga mosha 0 deri 2 vjeç nga 20 euro.
Komuna e Prishtinës po ashtu thotë se është duke e përgatitur rregulloren për trajtimin e qenve endacakë, ku përfshihet edhe mënyra se si mund të adoptohet një qen i tillë, të cilin do ta trajtojë falas në çfarëdo kohe veterinari i Prishtinës në qendrën për trajtimin e tyre e cila gjendet në Hajvali dhe që paralajmërohet se do të hapet së shpejti.
“Do t’i subvencionojmë edhe qytetarët që janë të interesuar të adoptojnë qentë. Një person që e merr një qen do të subvenciohohet me 50 euro në muaj. Qytetarët mund t’i marrin deri në 5 qenë” ka deklaruar Drejtori për Siguri dhe Emergjenca, citohet të ketë thënë Lulzim Fushtica drejtori për Siguri dhe Emergjenca në komunikatën për media të Komunës së Prishtinës.
Të tjera
-
Fahrije Hoti sot mban konferencë për media: Do t’i demantojmë shpifjet e Faton Pecit
Korporata Bujqësore “KRUSHA” bashkë me Fahrije Hotin, sot do të mbajnë konfer...
-
Ekspertët: Zbutja e varfërisë mund të zbusë krizën e migracionit
Ekspertët thonë se varfëria dhe uria janë faktorët kryesorë që shkaktojnë kri...
-
Deputeti i GUXO-s: Sjellja e Faton Pecit ka qenë rrënuese për partinë GUXO
Deputeti Burim Meta në “Reel Talk” tha se Faton Peci, i cili është kryetar i ...
-
Vazhdon procesi gjyqësor ndaj ish-krerëve të UÇK-së
Në Dhomat e Specializuara të Kosovës në Hagë sipas kalendarit sot do të vazhd...
-
Konjufca pret në takim homologun e tij nga Maqedonia e Veriut
Kryetari i Kuvendit, Glauk Konjufca sot e pret në takim homologun e tij nga M...
-
Mot kryesisht i qëndrueshëm gjatë kësaj jave
Fillimi i javës parashihet të jetë me mot kryesisht të qëndrueshëm, ndërsa ng...
-
Nesër mblidhet Kryesia e Kuvendit
Nesër nga ora 11:00 do të mblidhet Kryesia e Kuvendit. E në rend dite ka...
-
Në janar do të hapet tenderi për tunelin Kosovë-Maqedoni e Veriut
Nga qeveria e Maqedonisë së Veriut kanë thënë se në janar 2025 do të hapet te...
-
Arifi: Kanë filluar pipat e propagandës elektorale të LVV nëpër rrjete sociale
Ish-diplomati Avni Arifi, parashikon se Vetëvendosja do të zvhillojë fushatë ...
-
Ciolacu prin në zgjedhjet presidenciale të Rumanisë, sipas sondazheve
Kandidati i Partisë Social-Demokrate për president të Rumanisë, Marcel Ciolac...
-
Gërvalla nderon heronjtë, Sabahate Tolaj dhe Isuf Haklaj në 21 vjetorin e vrasjes së tyre
Ministrja e Punëve të Jashtme, Donika Gërvalla, ka përkujtuar zyrtarët e poli...
-
Hoxhaj nesër nderohet me titullin “Doctor Honoris Causa”
Nesër pritet që nënkryetarit të Kuvendit Enver Hoxhaj, t’i jepet titulli “Doc...