Lajme

ATK vazhdon me gjobitjen e bizneseve për arka fiskale e punëtor të paregjistruar

Autori: Gazeta inFokus 15:18 | 20 June 2023

Administrata Tatimore e Kosovës ka njoftuar se është duke vazhduar me monitorimin e bizneseve për arka fiskale.

Sipas ATK-së, edhe gjatë ditës së diel në qytetin e Prizrenit ATK ka vazhduar me verifikimin e bizneseve nëse janë duke respektuar thirrjet ligjore për lëshim të kuponit fiskal.

“Administrata Tatimore e Kosovës u fokusua te tatimpaguesit të cilët nuk janë të pajisur me pajisje elektronike fiskale (PEF,) nuk lëshojnë kuponë fiskal dhe ata tatimpagues që lëshojnë kuponë jo-fiskal”, thuhet në njoftim të ATK-së.

-Advertisement-

Sipas tyre, janë monitoruar edhe punëtorët nëse janë të regjistruar.

Sipas ATK-sw, nw qytetin e Prizrenit janë vizituar 5 subjekte biznesore, tek të cilat është konstatuar se nuk kanë lëshuar kuponë fiskal pas shërbimeve të ofruara.

“Gjithsej, janë lëshuar 91 gjoba në vlerë 35,125 mijë euro, si dhe do të iniciohet rast penal. Këto aktivitete kanë evidentuar edhe 26 punëtorë të pa regjistruar”, thuhet në njoftim.

ATK me anë të këtij njoftimi i ka rikujtuar të gjithë personat të cilët merren me aktivitete afariste, se në bazë të legjislacionit tatimor aty ku nuk kërkohet të lëshohet faturë tatimore, janë të obliguar që të pajisen me pajisje elektronike fiskale (PEF) / sistem fiskal (SF) dhe të lëshojnë kuponë fiskal.

“Theksojmë – disa nga veprimtaritë, si: tregti, prodhim, shërbim, shëndetësi, hoteleri, arsim, transport, artistike-zbavitëse, etj., nuk zbatojnë këtë obligim, prandaj ATK, u bënë thirrje që të pajisen me PEF/SF dhe të lëshojnë kuponë fiskal”, thuhet në njoftim.

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy